India vs South Africa 1st T20: ఐపీఎల్‌ 2022 ముగిసిన తర్వాత టీమ్ఇండియా తొలి అంతర్జాతీయ సిరీస్‌ ఆడుతోంది. దక్షిణాఫ్రికాతో ఐదు టీ20ల్లో తలపడుతోంది. మొదటి మ్యాచు దిల్లీలోని అరుణ్‌ జైట్లీ క్రికెట్‌ స్టేడియంలో జరుగుతోంది. ఇంతకీ ఈ మ్యాచ్‌ ఎన్ని గంటలకు మొదలవుతుంది? లైమ్‌ స్ట్రీమింగ్‌ ఎందులో వస్తోంది? ఏ టీవీ ఛానల్లో ప్రత్యక్ష ప్రసారాలను వీక్షించొచ్చంటే?


When Does India vs South Africa T20 Series Begin (Date and Time in India)?


భారత్‌, దక్షిణాఫ్రికా తొలి టీ20 వేదిక దిల్లీలోని అరుణ్‌ జైట్లీ మైదానం. సాయంత్రం 6:30 గంటలకు టాస్‌ వేస్తారు. 7 గంటలకు మ్యాచ్‌ మొదలవుతుంది. ఇప్పటికే టికెట్లన్నీ విక్రయించారు. భారీ స్థాయిలో అభిమానులు వచ్చే అవకాశం ఉంది.


Where to Watch India vs South Africa 1st T20 Match?


భారత్‌, దక్షిణాఫ్రికా టీ20 సిరీస్‌ ప్రసార హక్కులను స్టార్‌ స్పోర్ట్స్‌ నెట్‌వర్క్‌ దక్కించుకుంది. స్టార్‌స్పోర్ట్స్‌ 1, స్టార్‌స్పోర్ట్స్‌ 1 హెచ్‌డీ, స్టార్‌స్పోర్ట్స్‌ 1 హిందీ, స్టార్‌స్పోర్ట్స్‌1 హెచ్‌డీ హిందీ, స్టార్‌స్పోర్ట్స్‌ 1 తమిళ్‌, స్టార్‌స్పోర్ట్స్‌1 తెలుగు,  స్టార్‌స్పోర్ట్స్‌1 కన్నడలో మ్యాచ్‌ ప్రసారం అవుతుంది.


How to Watch India vs South Africa 1st T20 Match Live Streaming Online for Free in India?


భారత్‌, దక్షిణాఫ్రికా తొలి టీ20ని లైవ్‌ స్ట్రీమింగ్‌లో వీక్షించొచ్చు. ఈ హక్కులను డిస్నీ ప్లస్‌ హాట్‌స్టార్‌ సొంతం చేసుకుంది. సబ్‌స్క్రిప్షన్‌ ఉన్నవాళ్లు నేరుగా లైవ్‌ స్ట్రీమింగ్‌ను ఎంజాయ్‌ చేయొచ్చు. ఎయిర్‌ టెల్‌, వొడాఫోన్‌ ఐడియా, రిలయన్స్‌ జియో సహా మరికొన్ని ఆపరేటర్లు డిస్నీ ప్లస్ హాట్‌స్టార్‌తో ఒప్పందాలు కుదుర్చుకున్నాయి. ఆయా ప్రీపెయిడ్‌, పోస్టు పెయిడ్‌ ప్లాన్లను బట్టి లైవ్‌ స్ట్రీమింగ్‌ వీక్షించొచ్చు.


India vs South Africa T20 Series


దక్షిణాఫ్రికా టీమ్‌ఇండియాతో ఐదు టీ20లు ఆడనుంది. జూన్‌ 9న దిల్లీ, 12న కటక్‌, 14న వైజాగ్‌, 17న రాజ్‌కోట్‌, 19న బెంగళూరులో మ్యాచులు ఆడుతుంది. జులై 1 నుంచి ఇంగ్లాండ్‌ పర్యటన మొదలవుతుంది. టీమ్‌ఇండియా అక్కడ ఒక టెస్టు, మూడు వన్డేలు, మూడు టీ20లు ఆడుతుంది. అంతకన్నా ముందు ఐర్లాండ్‌తో రెండు టీ20లు ఉంటాయి.


Latest update India vs South Africa T20 Series


దక్షిణాఫ్రికాతో తొలి టీ20కి ముందు టీమ్‌ఇండియాకు ఎదురుదెబ్బ తగిలింది! కెప్టెన్‌ కేఎల్‌ రాహుల్‌ (KL Rahul), స్పిన్నర్‌ కుల్‌దీప్‌ యాదవ్‌ గాయపడ్డారు. సిరీస్‌ మొత్తానికీ వీరిద్దరూ దూరమవుతున్నారు. రాహుల్‌ స్థానంలో రిషభ్‌పంత్‌ (Rishabh Pant) జట్టును నడిపిస్తాడని బీసీసీఐ తెలిపింది.


India Team vs South Africa


టీ20 జట్టు: కేఎల్‌ రాహుల్‌ (ఔట్‌), రుతురాజ్‌ గైక్వాడ్‌, ఇషాన్‌ కిషన్‌, దీపక్‌ హుడా, శ్రేయస్‌ అయ్యర్‌, రిషభ్ పంత్‌, దినేశ్‌ కార్తీక్‌, హార్దిక్‌ పాండ్య, వెంకటేశ్‌ అయ్యర్‌, యుజ్వేంద్ర చాహల్‌, కుల్‌దీప్‌ యాదవ్‌ (ఔట్‌), అక్షర్‌ పటేల్‌, రవి బిష్ణోయ్‌, భువనేశ్వర్‌, హర్షల్‌ పటేల్‌, అవేశ్‌ ఖాన్‌, అర్షదీప్‌ సింగ్‌, ఉమ్రాన్‌ మాలిక్‌