Shardul Thakur or Umran Malik: భారత్, న్యూజిలాండ్ (IND vs NZ) మధ్య జరుగుతున్న మూడు మ్యాచ్‌ల వన్డే సిరీస్‌లో మొదటి మ్యాచ్‌లో ఉమ్రాన్ మాలిక్ బెంచ్‌పై కూర్చోవలసి వచ్చింది. రెండో మ్యాచ్‌లోనూ అదే జరిగింది.
రెండు మ్యాచ్‌ల్లోనూ ఉమ్రాన్ స్థానంలో శార్దూల్ ఠాకూర్ ప్లేయింగ్-11లో భాగమయ్యాడు. రెండో మ్యాచ్‌కు ఒక రోజు ముందు జరిగిన విలేకరుల సమావేశంలో, భారత జట్టు బౌలింగ్ కోచ్ పరాస్ మాంబ్రే రెండో ODIలో శార్దూల్ ఠాకూర్ మాత్రమే తుది జట్టులో భాగమని తెలిపాడు.
ఉమ్రాన్ మాలిక్‌కు బదులుగా శార్దూల్ ఠాకూర్‌ను ప్లేయింగ్-11లో ఎందుకు తీసుకున్నారని పరాస్ మాంబ్రేని అడిగినప్పుడు, 'శార్దూల్ ఠాకూర్ బ్యాటింగ్ చేసే విధానం. అతను బ్యాటింగ్‌లో జట్టుకు డెప్త్ ఇస్తాడు. అతను జట్టుకు ఆల్ రౌండర్ ఆప్షన్. అతను తుది జట్టులో ఉండడానికి ఇదే ప్రధాన కారణం.’
‘శార్దూల్ ఠాకూర్ గతంలో టీమ్ ఇండియాకు మంచి ప్రదర్శన చేశాడు. ఉమ్రాన్ మాలిక్, శార్దూల్‌లలో ఎవరిని ఎంపిక చేయాలనే నిర్ణయం పిచ్‌పై కూడా ఆధారపడి ఉంది. ఒక్కో ఫీల్డ్‌ను బట్టి మీ టీమ్‌ల కాంబినేషన్‌ను చూడాలి.’ అన్నారు.
బ్యాటింగ్ లోనూ చాలాసార్లు తన సత్తా చాటాడు.
శార్దూల్ ఠాకూర్ ఐపీఎల్ నుంచి అంతర్జాతీయ స్థాయి వరకు తన బ్యాటింగ్ నైపుణ్యాన్ని అనేక సందర్భాల్లో ప్రదర్శించాడు. ఇంగ్లండ్‌, ఆస్ట్రేలియాతో జరిగిన టెస్టు మ్యాచ్‌ల్లో అతను అద్భుతమైన హాఫ్ సెంచరీలు సాధించాడు. అదే సమయంలో ఐపీఎల్‌లోని కొన్ని మ్యాచ్‌లలో, అతను వేగంగా బ్యాటింగ్ కూడా చేశాడు.
అతను టీమ్ ఇండియా కోసం లోయర్ ఆర్డర్‌లో ఆల్ రౌండర్ పాత్రను పోషించగల సామర్థ్యం కలిగి ఉన్నాడు. అయితే వన్డే క్రికెట్‌లో శార్దూల్ ఠాకూర్ బ్యాటింగ్ గణాంకాలు అంత ఆకట్టుకునేలా లేవు. 32 మ్యాచ్‌ల్లో అతను కేవలం 19.50 సగటుతో పరుగులు చేయగలిగాడు. ఈ క్రమంలోనే అర్ధ సెంచరీ సాధించాడు.
అయితే శార్దూల్ ఠాకూర్‌పై మాజీ ఆటగాడు శ్రీకాంత్ విభిన్న తరహా వ్యాఖ్యలు చేశాడు. శుభ్‌మన్ గిల్, శార్దూల్ ఠాకూర్ తన వన్డే వరల్డ్ కప్ ఆటగాళ్ల లిస్ట్‌లో ఉండరన్నాడు. గతేడాది రోహిత్ శర్మ వన్డే జట్టు నుంచి విశ్రాంతి తీసుకున్నప్పుడు శుభ్ మన్ జట్టులో భాగమయ్యాడు. గత నెలలో బంగ్లాదేశ్ తో సిరీస్ కు రోహిత్ తిరిగి వచ్చినప్పుడు గిల్ కు జట్టులో చోటు దక్కలేదు. అయితే శ్రీలంకతో స్వదేశంలో ప్రస్తుతం జరగబోయే వన్డే సిరీస్ కు శిఖర్ ధావన్ దూరమవటంతో గిల్ కు స్థానం లభించింది. అలాగే శార్దూల్ ఠాకూర్ బంగ్లాతో వన్డేలు ఆడాడు. అయితే అతనికి శ్రీలంకతో సిరీస్ కు జట్టులో చోటు దక్కలేదు.
తన 20 మంది ప్రాబబుల్స్ గురించి శ్రీకాంత్ మరింత వివరించారు. జట్టులో ప్రభావం చూపే ఆటగాళ్ల గురించి నొక్కి చెప్పారు. 'నా మీడియం పేసర్ల కోటాలో జస్ప్రీత్ బుమ్రా, ఉమ్రాన్ మాలిక్, అర్హదీప్ సింగ్, మహమ్మద్ సిరాజ్ ఉంటారు. నలుగురు ఫాస్ట్ బౌలర్లు సరిపోతారు. నేను ఒక సెలక్షన్ ఛైర్మన్ గా మాట్లాడుతున్నాను. అభిమానిగా కాదు. ఇంకో ఆల్ రౌండర్ ఆప్షన్ గా దీపక్ హుడాను ఎంచుకుంటాను. వీరు మ్యాచ్ లు గెలిపిస్తారని నేను నమ్ముతున్నాను. మనకు గెలుపు గుర్రాలు కావాలి. వీరు ఆ పని చేయగలరు' అని శ్రీకాంత్ వివరించారు. 'హుడా లాంటి వాళ్లు 10 మ్యాచుల్లో మూడింటిని గెలిపించినా చాలు. వీరి నుంచి నిలకడను ఆశించకూడదు. ప్రస్తుత టైంలో రిషభ్ పంత్ అలాంటి ఆటగాడే. అతడి నుంచి నాకు నిలకడ అవసరంలేదు. నేను మ్యాచ్ లు గెలవాలనుకుంటున్నాను. పంత్ ఆ పని చేస్తాడు' అని శ్రీకాంత్ స్పష్టం చేశారు.