Virat Kohli: పరుగుల రేసులో టాప్ ప్లేస్‌కు కింగ్ - ఏకంగా 118 సగటుతో!
వన్డే వరల్డ్ కప్ అత్యధిక పరుగుల రేసులో విరాట్ కోహ్లీ మొదటి స్థానంలో ఉన్నాడు.
Most Runs In World Cup 2023: భారత జట్టు ప్రపంచ కప్ మ్యాచ్‌లో న్యూజిలాండ్‌ను ఓడించి వరుసగా ఐదో విజయాన్ని నమోదు చేసింది. విరాట్ కోహ్లి టీమ్ ఇండియా విజయానికి హీరోగా నిలిచాడు. బ్యాటింగ్ చేయడం కష్టతరమైన పిచ్‌ మీద విరాట్ కోహ్లీ 104 బంతుల్లో 95 పరుగులు చేశాడు. ఈ ఇన్నింగ్స్ తర్వాత ప్రపంచ కప్ 2023లో అత్యధిక పరుగులు చేసిన ఆటగాళ్ల జాబితాలో విరాట్ కోహ్లీ అగ్రస్థానానికి చేరుకున్నాడు. రోహిత్ శర్మను విరాట్ కోహ్లి వెనక్కి నెట్టాడు. ఇప్పుడు రోహిత్ శర్మ రెండో స్థానానికి చేరుకున్నాడు.
రోహిత్ శర్మ వెనక్కి...
ఇప్పటి వరకు విరాట్ కోహ్లీ ఐదు మ్యాచ్‌ల్లో 354 పరుగులు చేశాడు. భారత మాజీ కెప్టెన్ సగటు 118.00. కాగా రోహిత్ శర్మ ఐదు మ్యాచ్‌ల్లో 311 పరుగులు చేశాడు. రోహిత్ శర్మ సగటు 62.20గా ఉంది. విరాట్ కోహ్లి, రోహిత్ శర్మ తర్వాత పాకిస్థాన్ వికెట్ కీపర్ బ్యాట్స్‌మెన్ మహ్మద్ రిజ్వాన్ మూడో స్థానంలో నిలిచాడు. మహ్మద్ రిజ్వాన్ 4 మ్యాచ్‌ల్లో 98 సగటుతో 294 పరుగులు చేశాడు.
ప్రపంచకప్‌లో ఇప్పటివరకు విరాట్ కోహ్లి ప్రదర్శన ఇలా...
ఆస్ట్రేలియాపై విరాట్ కోహ్లీ 116 బంతుల్లో 85 పరుగులతో అద్భుత ఇన్నింగ్స్ ఆడాడు. దీని తర్వాత అతను ఆఫ్ఘనిస్తాన్‌పై 56 బంతుల్లో 55 పరుగులు చేసి నాటౌట్‌గా తిరిగి వచ్చాడు. అయితే పాకిస్తాన్‌పై విరాట్ కోహ్లీ తొందరగానే పెవిలియన్‌కు చేరుకున్నాడు. పాకిస్థాన్‌పై విరాట్ కోహ్లీ 18 బంతుల్లో 16 పరుగులు మాత్రమే చేశాడు.
దీని తర్వాత అతను బంగ్లాదేశ్‌పై అద్భుతంగా కమ్‌బ్యాక్ ఇచ్చాడు. బంగ్లాదేశ్‌పై విరాట్ కోహ్లీ 97 బంతుల్లో అజేయంగా 103 పరుగులు చేశాడు. అదే సమయంలో న్యూజిలాండ్‌పై విరాట్ కోహ్లీ 104 బంతుల్లో 95 పరుగుల ఇన్నింగ్స్ ఆడాడు. ఈ విధంగా విరాట్ కోహ్లీ 5 మ్యాచ్‌ల్లో 118.00 సగటుతో 354 పరుగులు చేశాడు. రానున్న మ్యాచ్‌ల్లోనూ విరాట్ కోహ్లీ బ్యాట్ నుంచి పరుగుల వర్షం కురుస్తుందని భారత అభిమానులు ఆశిస్తున్నారు.
ముఖ్యమైన, మరిన్ని ఆసక్తికర కథనాల కోసం ‘టెలిగ్రామ్’లో ‘ఏబీపీ దేశం’లో జాయిన్ అవ్వండి.
Join Us on Telegram: https://t.me/abpdesamofficial