టీ20 వరల్డ్ కప్ సెమీస్‌లో ఇంగ్లండ్ చేతిలో భారత్ ఘోరంగా ఓటమి పాలైన సంగతి తెలిసిందే. ఇప్పుడు ఈ ఓటమిపై ట్రోల్స్ విపరీతంగా వస్తున్నాయి. ముఖ్యంగా ప్రపంచ కప్ ప్రారంభానికి ముందు మాజీ కెప్టెన్ ధోని చెప్పిన ఓరియో థియరీని కూడా భయంకరంగా ట్రోల్ చేస్తున్నారు.
ఈ మ్యాచ్‌లో మొదట బ్యాటింగ్ చేసిన భారత్ 20 ఓవర్లలో ఆరు వికెట్ల నష్టానికి 168 పరుగులు సాధించగా, ఇంగ్లండ్ 16 ఓవర్లలోనే వికెట్ నష్టపోకుండా లక్ష్యాన్ని ఛేదింది. ఓపెనర్లు జోస్ బట్లర్ (80 నాటౌట్: 49 బంతుల్లో, తొమ్మిది ఫోర్లు, మూడు సిక్సర్లు), అలెక్స్ హేల్స్ (86 నాటౌట్: 47 బంతుల్లో, నాలుగు ఫోర్లు, ఏడు సిక్సర్లు) మిగతా బ్యాటర్లను గ్రౌండ్‌లోకి దిగనివ్వలేదు.