India Semifinal Qualification Scenario Becomes Tough: ఉమెన్స్ టి20 వరల్డ్ కప్ 2026 లో ఇండియా సెమీఫైనల్స్ చేరే ఛాన్సెస్ కు గట్టి బ్రేక్ పడింది. మాంచెస్టర్లోని ఓల్డ్ ట్రాఫోర్డ్ మైదానంలో ఆదివారం సౌతాఫ్రికాతో జరిగిన మ్యాచ్ లో ఇండియా ఘోరంగా ఓడిపోయింది. ప్రొటీస్ స్టార్ ప్లేయర్ మరిజానే కాప్ కేవలం 45 బంతుల్లోనే 81 రన్స్ తో విరుచుకుపడి సౌతాఫ్రికాకు 6 వికెట్ల తేడాతో థ్రిల్లింగ్ విక్టరీ అందించింది. ఈ ఓటమితో ఇండియా సెమీస్ సమీకరణాలు కంప్లీట్గా మారిపోయాయి. పాకిస్తాన్, నెదర్లాండ్స్పై గెలిచిన ఇండియాకు ఈ టోర్నీలో ఇదే ఫస్ట్ ఓటమి. ఈ లాస్ తర్వాత కూడా ఇండియా గ్రూప్-1 లో ఆస్ట్రేలియా వెనక సెకండ్ ప్లేస్ లోనే కొనసాగుతోంది.
ఇండియా సెమీస్ చేరాలంటే..ఇండియా నెక్స్ట్ రౌండ్ కు క్వాలిఫై అవ్వడంపై క్రికెట్ అనలిస్టులు క్రేజీ లెక్కలు చెప్తున్నారు. ఇండియా తన మిగిలిన రెండు మ్యాచుల్లోనూ గెలిస్తే సెమీస్ ఛాన్స్ ఉంటుంది, కాకపోతే నెట్ రన్ రేట్ (NRR) సౌతాఫ్రికా లేదా ఆస్ట్రేలియా కంటే బెటర్ గా ఉండాలి. ఒకవేళ ఆస్ట్రేలియా, సౌతాఫ్రికా జట్లు తమ రాబోయే మ్యాచుల్లో ఓడిపోతే అది ఇండియాకు ప్లస్ అవుతుంది. అలా కాకుండా ఇండియా మిగిలిన రెండు మ్యాచుల్లో ఒకదాంట్లో ఓడిపోతే, సౌతాఫ్రికా కూడా తమ లాస్ట్ రెండు మ్యాచుల్లో ఒక మ్యాచ్ ఓడిపోవాలి. అప్పుడు బంగ్లాదేశ్, సౌతాఫ్రికా కంటే ఇండియా రన్ రేట్ బాగుండాలి. అయితే బంగ్లాదేశ్తో జరగబోయే మ్యాచ్ లో ఇండియా ఓడిపోతే మాత్రం టోర్నమెంట్ నుంచి కంప్లీట్గా ఎలిమినేట్ అవుతుంది. ఇండియా తన లాస్ట్ రెండు మ్యాచులూ ఓడిపోతే వేరే జట్ల రిజల్ట్స్ తో సంబంధం లేకుండా నేరుగా ఇంటికే వెళ్లాల్సి వస్తుంది.
రాధా యాదవ్ డ్రాప్ క్యాచెస్.. ఇండియాతో జరిగిన మ్యాచ్ లో సౌతాఫ్రికా ఆల్రౌండర్ మరిజానే కాప్ లక్కీ లైఫ్లైన్స్ ను పర్ఫెక్ట్గా యూజ్ చేసుకుంది. ఫీల్డింగ్లో సబ్స్టిట్యూట్ ప్లేయర్ రాధా యాదవ్ రెండు సార్లు కాప్ ఇచ్చిన ఈజీ క్యాచులను డ్రాప్ చేయడం ఇండియా కొంపముంచింది. ఈ లైఫ్ లైన్లతో రెచ్చిపోయిన కాప్ 7 ఫోర్లు, 4 సిక్సర్లతో ఇండియన్ బౌలర్లను చితక్కొట్టింది. అంతకుముందు బౌలింగ్లోనూ 2 వికెట్లతో మెరిసిన కాప్, బ్యాటింగ్ లోనూ ఒంటిచేత్తో మ్యాచ్ ను తిప్పేసింది. ఇండియా ఫస్ట్ బ్యాటింగ్ చేసి చాలా కష్టమ్మీద 20 ఓవర్లలో 7 వికెట్ల నష్టానికి 158 రన్స్ చేసింది.
పాయింట్స్ టేబుల్ లో పెరిగిన హీట్ఇండియా ఇచ్చిన 159 రన్స్ టార్గెట్ను సౌతాఫ్రికా ఇంకా 5 బంతులు మిగిలి ఉండగానే 19.1 ఓవర్లలో 161/4 స్కోర్ చేసి చేజ్ చేసింది. కాప్, ఓపెనర్ టాజ్మిన్ బ్రిట్స్ (36 బంతుల్లో 40) తో కలిసి థర్డ్ వికెట్కు ఏకంగా 97 రన్స్ భారీ పార్ట్నర్షిప్ బిల్డ్ చేసి ప్రొటీస్ టీమ్కు సాలిడ్ విక్టరీ అందించింది. ఈ బిగ్ సక్సెస్ తో సౌతాఫ్రికా పాయింట్స్ టేబుల్ లో థర్డ్ ప్లేస్ కు దూసుకొచ్చి తమ క్వాలిఫికేషన్ ఆశలను సజీవంగా ఉంచుకుంది. ప్రెజెంట్ గ్రూప్ లో ఆస్ట్రేలియా టాప్ లో ఉండగా, ఇండియా సెకండ్ ప్లేస్ లో ఉంది. రాబోయే మ్యాచుల్లో చిన్న తప్పు జరిగినా టోర్నీ నుంచి అవుట్ అయ్యే ఛాన్స్ ఉండటంతో హర్మన్ప్రీత్ కౌర్ ఆర్మీ నెక్స్ట్ గేమ్స్ లో చాలా అలర్ట్ గా ఆడాలని స్పోర్ట్స్ ఎక్స్పర్ట్ స్పష్టం చేస్తున్నారు.