ప్రపంచకప్‌లో భాగంగా టాస్ గెలిచిన దక్షిణాఫ్రికా బాటింగ్ ఎంచుకుంది. ఈ ప్రపంచ కప్పు లో ఎప్పటి వరకు భారీ స్కోర్ చేసిన ప్రొటీస్‌ జట్టు ఇప్పుడు కూడా అదే దుకుడుతో ఉంది. శ్రీలంక, ఆస్ట్రేలియాలను వందకుపైగా పరుగులతో చిత్తు చేసిన ప్రొటీస్‌ జట్టు... బంగ్లాదేశ్‌తో తలపడనుంది. ముంబైలోని వాంఖడే మైదానంలో జరిగే ఈ మ్యాచ్‌లోనూ గెలవాలని దక్షిణాఫ్రికా భావిస్తోంది. పతకాల పట్టికలో సఫారీ జట్టు మూడో స్థానంలో ఉండగా... బంగ్లా ఏడో స్థానంలో ఉంది. బంగ్లాదేశ్‌పై మ్యాచ్‌లోనూ విజయం సాధించి సెమీస్‌కు మరింత చేరువ కావాలని దక్షిణాఫ్రికా పట్టుదలతో ఉంది. ప్రొటీస్‌పై గెలిచి సెమీస్‌ రేసులో నిలవాలని బంగ్లా కూడా ప్రణాళిక రచిస్తోంది. ఇప్పటికే నెదర్లాండ్స్‌ చేతిలో ఓడి షాక్‌ తిన్న సఫారీ జట్టు... మరోసారి అలాంటి పొరపాట్లకు తావు ఇవ్వకూడదని చూస్తోంది. గత మ్యాచ్‌లో డిఫెండింగ్‌ ఛాంపియన్‌ను ఇంగ్లాండ్‌ను 229 పరుగుల తేడాతో చిత్తు చేసి మళ్లీ గాడిలో పడిన దక్షిణాఫ్రికా... బంగ్లాదేశ్ మ్యాచ్‌తోనూ భారీ స్కోరుపై కన్నేసింది.
ప్రపంచకప్‌లో బంగ్లాదేశ్ చాలా ప్రమాదకరమైన జట్టు కావడంతో దక్షిణాఫ్రికా దానికి తగ్గట్లు వ్యూహాలు రచిస్తోంది. గత నాలుగేళ్లలో బంగ్లాదేశ్.... ఆరుసార్లు సఫారీ జట్టును ఓడించింది. 2019 ప్రపంచకప్‌లో 21 పరుగుల తేడాతో ప్రొటీస్‌ను బంగ్లా పులులు ఓడించాయి. 2007, 2011, 2015, 2019 ప్రపంచకప్‌లలో ఇప్పటివరకు నాలుగు మ్యాచ్‌లు బంగ్లా-సౌతాఫ్రికా మధ్య జరగగా అందులో రెండుసార్లు దక్షిణాఫ్రికా ఓడిపోయింది. 2007, 2019 ప్రపంచకప్‌లలో ప్రొటీస్‌పై బంగ్లా గెలిచింది. బంగ్లా సారథి షకీబ్ అల్ హసన్, మెహిదీ హసన్ మిరాజ్ రాణిస్తే బంగ్లా గెలుపుపై ఆశలు పెట్టుకోవచ్చు.
దక్షిణాఫ్రికా ఓపెనర్ క్వింటన్ డి కాక్ ప్రపంచకప్‌ ఆరంభ మ్యాచుల్లో వరుసగా రెండు సెంచరీలు చేసి ఫామ్‌లో ఉన్నాడు. అయితే తర్వాతి మ్యాచుల్లో అతడు రాణించకపోవడం ప్రొటీస్‌ జట్టును కలవరపరుస్తోంది. ఇంగ్లాండ్‌పై మ్యాచ్‌లో కేవలం నాలుగు పరుగుకే డికాక్‌ అవుటయ్యాడు. అయినా ప్రోటీస్... బ్రిటీష్‌ జట్టు ముందు 400 పరుగుల లక్ష్యాన్ని ఉంచింది. టెంబా బావుమా అనారోగ్యం కారణంగా ఇంగ్లాండ్‌తో జరిగిన మ్యాచ్‌కు దూరమయ్యాడు. ఐడెన్ మార్క్రామ్, రాస్సీ వాన్ డెర్ డస్సెన్‌లు భీకర ఫామ్‌లు ఉండడంతో ప్రొటీస్‌కు బ్యాటింగ్‌లో తిరుగులేదు. డేవిడ్ మిల్లర్ కూడా భారీ స్కోరుపై కన్నేశాడు. ఇంగ్లండ్‌పై శతకం చేసిన హెన్రిచ్ క్లాసెన్... బంగ్లాదేశ్‌పైనా రాణించాలని పట్టుదలతో ఉన్నాడు.
బంగ్లాదేశ్ కెప్టెన్ షకీబ్ అల్ హసన్ ఈ మ్యాచ్‌లో జట్టులోకి చేరడంతో బంగ్లా జట్టు బలోపేతం అయ్యింది. బంగ్లా బ్యాటర్లు టాంజిద్ హసన్, లిట్టన్ దాస్ భారత్‌పై హాఫ్ సెంచరీలు సాధించారు. కానీ బంగ్లాదేశ్ బ్యాటర్లు భారీ స్కోరు చేయడం లేదు. బ్యాటింగ్‌కు అనుకూలమైన వాంఖడే పిచ్‌పై బంగ్లా బ్యాటర్లు రాణించే అవకాశం ఉంది.
బంగ్లాదేశ్:
షకీబ్ అల్ హసన్ (కెప్టెన్), లిట్టన్ దాస్, తాంజిద్ హసన్ తమీమ్, నజ్ముల్ హుస్సేన్ శాంటో , ముష్ఫికర్ రహీమ్, మహ్మదుల్లా రియాద్, నసుమ్ అహ్మద్, ముస్తాఫిజుర్ రెహమాన్, హసన్ మహమూద్, షోరిఫుల్ ఇస్లాం, తంజిమ్ హసన్ సాకిబ్, ముస్తి ఫర్ రహీమ్
దక్షిణాఫ్రికా: ఐడెన్ మర్క్రామ్ (కెప్టెన్), గెరాల్డ్ కోయెట్జీ, క్వింటన్ డి కాక్, రీజా హెండ్రిక్స్, మార్కో జాన్సెన్, హెన్రిచ్ క్లాసెన్, కేశవ్ మహరాజ్, డేవిడ్ మిల్లర్, కగిసో రబాడ షమ్సీ, రాస్సీ వాన్ డెర్ డస్సెన్, లిజాడ్ విలియమ్స్.