YS Sharmila: ఇంటికో ఉద్యోగం ఇస్తానని చెప్పిన మోసగాడు కేసీఆర్
నిరుద్యోగ నిరాహార దీక్షలో భాగంగా మహబూబాబాద్ జిల్లాలో సోమ్లా తండాలో వైఎస్ఆర్ తెలంగాణ పార్టీ అధ్యక్షురాలు వైఎస్ షర్మిల పర్యటించారు.
ఇటీవల ఆత్మహత్య చేసుకున్న నిరుద్యోగి సునీల్ నాయక్ కుటుంబాన్ని పరామర్శించి.. పోరాటాన్ని ముందుకు తీసుకెళ్తా అని కుటుంబ సభ్యులకు ఓదార్చి ధైర్యం చెప్పారు. గుండెంగి గ్రామంలో నిరుద్యోగ నిరాహార దీక్ష చేపట్టారు.
తెలంగాణ ఉద్యమంలో ముందు వరుసలో ఉండి పోరాటం చేసిన యువకులు, విద్యార్థులకు ప్రత్యేక రాష్ట్రంలో నిరాశే మిగిలిందని షర్మిల అన్నారు.
ఉద్యోగాలు వస్తాయని భావించిన యువత కేసీఆర్ చేతిలో మోసపోయారని.. తెలంగాణ కోసం వేల మంది బలిదానం చేసుకుంటే.. ప్రభుత్వం తీరుతో నిరుద్యోగులకు తీరని అన్యాయం జరుగుతోందని విమర్శించారు.
కళ్ల ముందు లక్షా 91 వేల ఉద్యోగాలు ఖాళీగా ఉన్నా కనీసం భర్తీ చేయడం లేదని షర్మిల అన్నారు. నిరుద్యోగుల ఆత్మహత్యలు.. ప్రభుత్వ హత్యలేనని వ్యాఖ్యానించారు. ఇంటికో ఉద్యోగం ఇస్తానని చెప్పిన మోసగాడు కేసీఆర్ అని విమర్శించారు.