YS Sharmila: సీఎం కేసీఆర్ దొర.. గిరిజనులు నీకు బానిసలా.. గిరిజనులకు బంధువు కాదా?

ములుగు జిల్లా తాడ్వాయి మండలంలోని లింగాల గ్రామంలో బుధవారం వైఎస్ఆర్ తెలంగాణ పార్టీ అధ్యక్షురాలు షర్మిల పోడు భూముల పోరు యాత్రను చేపట్టారు.

పోడు భూముల సమస్య పరిష్కారం కోరుతూ ములుగు జిల్లాలో ధర్నా చేపట్టారు. ఈ సందర్భంగా పలువురు రైతులు పోడు భూముల సమస్యలను షర్మిల దృష్టికి తీసుకెళ్లారు.

‘సీఎం కేసీఆర్‌ దొర.. గిరిజనులు నీకు బానిసలా’ అని షర్మిల ప్రశ్నించారు.

జల్‌, జంగిల్‌, జమీన్‌ కోసం ఆనాడు కొమురం భీం పోరాటం చేస్తే నేడు అడవి బిడ్డలు పోడు భూములను కాపాడుకోవడమే ధ్యేయంగా పోరాటం చేస్తున్నారని షర్మిల అన్నారు.

కేసీఆర్‌ గిరిజనుల భూములను లాక్కొని వారిపై కేసులు మోపుతూ జైళ్లలో పెడుతూ చిత్రహింసలకు గురిచేస్తున్నారని ఆరోపించారు.

హుజూరాబాద్‌లో ఎన్నికలు వచ్చేసరికి కేసీఆర్‌ దళితులకు బంధువయ్యాడని, గిరిజనులకు బంధువు కాడా? అని షర్మిల ప్రశ్నించారు.

పోరు భూముల పోరుకు ఆదివాసులు, గిరిజనులు హాజరయ్యారు.