KTR : న్యూయార్క్ నగర వీధుల్లో మంత్రి కేటీఆర్, విద్యార్థి జ్ఞాపకాలను గుర్తుచేసుకుంటూ !

న్యూయార్క్ నగరంలో స్ట్రీట్ ఫుడ్ కొనుక్కోనేందుకు క్యూలో నిలబడిన మంత్రి కేటీఆర్

కేటీఆర్ విద్యార్థిగా ఉన్నప్పుడు లెక్సింగ్టన్, 34 అవెన్యూలో గతంలో తాను తిన్న స్ట్రీట్ ఫుడ్ వద్దకు వెళ్లి తనకు అత్యంత ఇష్టమైన వేడి వేడి సాస్ తో చికెన్ రైస్ ని కొనుక్కొని తిన్నారు.

న్యూయార్క్ నగరంలో తన విద్యార్థి జీవితం జ్ఞాపకాలని గుర్తు చేసుకున్న మంత్రి కేటీఆర్

ఉదయం నుంచి మంత్రితో ఉన్న తెలుగు ఎన్నారైలు, కేటీఆర్ ఒక సాధారణ వ్యక్తులా వరుసలో నిలబడి తన ఆహారం కొనుక్కోవడం, తర్వాత మీటింగ్ కి క్యాబ్లో వెళ్లడం వంటి విషయాలను చూసి ఆశ్చర్యపోయారు. ఆయన సింప్లిసిటీకి, కమిట్మెంట్ కి అభినందనలు తెలిపారు

మంత్రిగా అనేక ప్రపంచస్థాయి కంపెనీలను తెలంగాణకు తీసుకురావడంలో విజయం సాధించిన మంత్రి కేటీఆర్, తాను గతంలో చదువుకున్న న్యూయార్క్ నగరంలో తన విద్యార్థి, ఉద్యోగ జీవిత కాలానికి సంబంధించిన జ్ఞాపకాలను గుర్తు చేసుకున్నారు.

అమెరికా టూర్ లో ఉన్న మంత్రి కేటీఆర్ బిజీ షెడ్యూల్ మధ్యలో ఫైజర్ సీఈఓతో సమావేశం ముగిసిన అనంతరం న్యూయార్క్ వీధుల్లో నడుచుకుంటూ తర్వాత మీటింగ్ కి బయలుదేరారు.

ఆ తర్వాత సమావేశానికి ఆలస్యం అవుతుండడంతో మంత్రి కేటీఆర్ న్యూయార్క్ లో ఉండే ఎల్లో క్యాబ్ ఎక్కి వెళ్లారు.