Tokyo Olympics: ఈ రోజు అప్డేట్స్... ఎవరు గెలిచారు? ఎవరు ఓడారు?
యువ బాక్సర్ లవ్లీనా బొర్గోహెన్ క్వార్టర్స్లో చైనీస్ తైపీకి చెందిన మాజీ ప్రపంచ ఛాంపియన్ నీన్-చిన్పై 4-1 తేడాతో ఘన విజయం సాధించి సెమీస్లోకి అడుగుపెట్టింది. దీంతో పతకం ఖాయం చేసుకుంది.
నీన్-చిన్తో తలపడుతోన్న భారత బాక్సర్ లవ్లీనా బొర్గోహెన్
షట్లర్ పీవీ సింధు మహిళల వ్యక్తిగత విభాగంలో సెమీఫైనల్కి దూసుకెళ్లింది. దీంతో ఆమెకు పతకం ఖాయమైంది. క్వార్టర్ ఫైనల్లో సింధు... యమగూచిపై 21-13, 22-20 తేడాతో గెలిచింది.
భారత బాక్సర్ సిమ్రన్జిత్ కౌర్కు కూడా నిరాశే ఎదురైంది. 60 కిలోల విభాగంలో థాయ్లాండ్ బాక్సర్ చేతిలో 0-5తో ఓటమిపాలైంది.
మహిళల హాకీలో ఐర్లాండ్తో తలపడిన భారత జట్టు 1-0 తేడాతో విజయం సాధించింది. నాలుగో క్వార్టర్లో నవనీత్ కౌర్ గోల్ చేయడంతో భారత్ గెలిచింది.
మహిళల 25 మీటర్ల పిస్టల్ రెండో అర్హత పోటీల్లో రహి 32 స్థానానికి పరిమితమైంది. దీంతో ఆమె కూడా ఫైనల్కు అర్హత సాధించలేకపోయింది.
వరల్డ్ నంబరు వన్ ఆర్చర్ దీపికా కుమారి క్వార్టర్స్ చేరుకుంది. శుక్రవారం జరిగిన ప్రీక్వార్టర్స్లో మాజీ ప్రపంచ ఛాంపియన్ సెనియా పెరోవాపై 6-5తో విజయం సాధించింది.
మహిళల 25 మీటర్ల పిస్టల్ రెండో అర్హత పోటీల్లో మను బాకర్ 15 స్థానంలో నిలిచింది. దీంతో ఫైనల్కు అర్హత సాధించలేకపోయింది.
100 మీటర్ల అర్హత పోటీల్లో భారత స్ప్రింటర్ ద్యుతి చంద్ హీట్ 5లో ఏడో స్థానంలో నిలిచి ఓవరాల్గా 45వ స్థానంలో నిలిచింది. దీంతో సెమీఫైనల్ కు కూడా ద్యుతి అర్హత సాధించలేకపోయింది.