MS Dhoni New Hairstyle: ధోనీ కొత్త హెయిర్ స్టైల్ పై ఓ లుక్కేయండి... నెట్టింట్లో వైరల్

టీమ్‌ఇండియా మాజీ సారథి మహేంద్రసింగ్‌ ధోనీ సరికొత్త లుక్‌లో అదరగొట్టాడు.

ప్రముఖ హెయిర్‌ స్టైలిస్ట్‌ ఆలిమ్‌ హకీమ్‌... మహీని సరికొత్తగా తీర్చిదిద్దిన ఫొటోలను తన ఇన్‌స్టాగ్రామ్‌లో పంచుకున్నాడు.

ధోనీని ఇలా కొత్తగా తీర్చిదిద్దడాన్ని పూర్తిగా ఆస్వాదించినట్లు ఈ సందర్భంగా పేర్కొన్నాడు.

ఆ ఫొటోలిప్పుడు సామాజిక మాధ్యమాల్లో అభిమానులను ఆకట్టుకుంటున్నాయి. వాటికి అభిమానులు కామెంట్ల రూపంలో తమ అభిప్రాయాలను వ్యక్తం చేస్తున్నారు.

హెయిర్‌ కట్‌ మీద చేసే ప్రయోగాలు ట్రెండ్‌ సృష్టిస్తాయని అభిమానులు కామెంట్లు చేస్తున్నారు.

ఇటీవల ధోనీ హిమాచల్‌ ప్రదేశ్‌లోని ఓ పర్యాటక ప్రాంతానికి కుటుంబంతో సహా వెళ్లాడు. అక్కడ ధోనీకి సంబంధించిన ఫొటోలు నెట్టింట్లో దర్శనమిస్తున్నాయి.

కరోనా కారణంగా మే4న ఐపీఎల్‌ వాయిదా పడటంతో అప్పటి నుంచీ ధోనీ ఇంటివద్దే ఉంటున్నాడు.

IPL-2021 మిగతా సీజన్ దుబాయ్‌లో సెప్టెంబరులో ప్రారంభంకానుంది.

ధోనీ క్రికెటర్‌గా కెరీర్‌ ఆరంభిస్తున్న రోజుల్లోనే పొడవాటి జట్టుతో ప్రత్యేక శైలితో ఆకట్టుకున్నాడు.