Hair Fall Causes : జుట్టు ఎక్కువగా రాలుతోందా? కారణాలు ఇవే.. ఇలా జాగ్రత్తలు తీసుకోండి

ఐరన్, ప్రోటీన్, విటమిన్ డి, బి12 లోపం కారణంగా వెంట్రుకల కుదుళ్లు బలహీనపడతాయి. దీనివల్ల అవి పలుచగా మారి త్వరగా చిట్లిపోతాయి. ఐరన్ లోపం ఆక్సిజన్ సరఫరాకు ఆటంకం కలిగిస్తుంది. విటమిన్ డి, బి12 లోపం కూడా జుట్టు రాలడానికి కారణమవుతుంది.

థైరాయిడ్, PCOS, హార్మోన్ల అసమతుల్యత జుట్టు రాలడానికి ప్రధాన కారణాలుగా చెప్పవచ్చు. ఈ పరిస్థితులు జుట్టు పెరుగుదలను దెబ్బతీస్తాయి. దీనివల్ల జుట్టు పలుచగా మారుతుంది. జుట్టు రాలడం ప్రారంభమవుతుంది. థైరాయిడ్ సమస్యలు మొత్తం తలపై జుట్టు పలుచబడటానికి కారణం కావచ్చు.

నిరంతరం ఒత్తిడి తీసుకోవడం వల్ల జుట్టు పెరుగుదల ప్రభావితం కావచ్చు. దీని కారణంగా జుట్టు వేగంగా రాలిపోవచ్చు. ఒత్తిడి కారణంగా శరీరంలో కార్టిసోల్ హార్మోన్ పెరుగుతుంది. ఇది జుట్టును వృద్ధి స్థితి నుంచి రాలిపోయే స్థితికి వేగంగా తీసుకువెళుతుంది.

పదేపదే కెమికలు ట్రీట్మెంట్స్, జుట్టుకు రంగులు వేయడం, షాంపూ వాడకం వంటివి జుట్టుకు చాలా హాని కలిగిస్తాయి. ఈ రసాయనాలు జుట్టు పెరుగుదలను నిరోధిస్తాయి. దీనివల్ల జుట్టు పొడిగా, నిర్జీవంగా, రాలిపోయే అవకాశం ఉంది.

బలమైన జుట్టు కోసం మీ ఆహారంలో ప్రోటీన్, ఆకుకూరలు, పండ్లు, గింజలను చేర్చడం ముఖ్యం. వారానికి 2 నుంచి 3 సార్లు కొబ్బరి లేదా ఉసిరి నూనెతో మీ జుట్టును సున్నితంగా మసాజ్ చేయండి.

జుట్టు ఎక్కువగా రాలడానికి కూడా ఆరోగ్య సమస్యలు కూడా ఓ కారణం కాబట్టి.. నిపుణుల సలహాలు తీసుకుంటే మంచిది. దీనివల్ల జుట్టు రాలడం తగ్గుతుంది.