Gold Cleaning Tips : బంగారు ఆభరణాల మెరుపు తగ్గిందా? ఇంట్లోనే టూత్పేస్ట్, బేకింగ్ సోడాతో గోల్డ్ ఇలా శుభ్రం చేయండి
ఇంట్లోనే బంగారు ఆభరణాలను కొత్తవాటిలా మెరిపించండి
కొద్దిగా సాధారణ టూత్పేస్ట్ను మెత్తని క్లాత్ తీసుకుని బంగారు ఆభరణాలపై సున్నితంగా రుద్దండి. తర్వాత గోరువెచ్చని నీటితో కడిగి.. మృదువైన గుడ్డతో తుడిస్తే మెరుపు తిరిగి రావచ్చు. అయితే ఎక్కువ ఒత్తిడితో రుద్దకండి.
రెండు టీస్పూన్ల బేకింగ్ సోడాలో కొద్దిగా గోరువెచ్చని నీరు కలిపి పేస్ట్ తయారు చేయండి. దీన్ని మెత్తని టూత్బ్రష్తో ఆభరణాలకు అప్లై చేసి 4–5 నిమిషాల తర్వాత కడిగేయండి. గట్టిగా రుద్దకుండా జాగ్రత్తపడాలి.
రెండు కప్పుల గోరువెచ్చని నీటిలో రెండు టీస్పూన్ల లిక్విడ్ డిష్ సోప్ కలిపి, గొలుసును 5 నిమిషాలు నానబెట్టండి. తర్వాత మెత్తని బ్రష్తో శుభ్రం చేసి నీటితో కడిగి ఆరబెట్టండి.
మొక్కజొన్న పిండి, కొద్దిగా వెనిగర్ కలిపి పేస్ట్ తయారు చేసి ఆభరణాలకు అప్లై చేయండి. 5 నిమిషాల తర్వాత కడిగేస్తే పేరుకుపోయిన మురికి తొలగడంలో సహాయపడుతుంది.
విలువైన రాళ్లు ఉన్న ఉంగరాలను గట్టిగా బ్రష్ చేయకండి. చెవిపోగులను వీలైతే విడదీసి ఒక్కో భాగాన్ని సున్నితంగా శుభ్రం చేయడం మంచిది.
బ్లీచ్, బలమైన యాసిడ్లు లేదా ఇతర ఘాటైన క్లీనింగ్ కెమికల్స్ను బంగారు ఆభరణాలపై ఉపయోగించకండి. ఇవి ఆభరణాల మెరుపును దెబ్బతీసే అవకాశం ఉంది.
ఆభరణాల్లో విలువైన రాళ్లు ఉన్నా లేదా చాలా మురికిగా ఉన్నా ఇంట్లో శుభ్రం చేయడానికి ప్రయత్నించకుండా అనుభవం ఉన్న జ్యువెలర్తో క్లీనింగ్ చేయించడం సురక్షితం.