Diabetes Diet : మధుమేహం ఉన్నవారు తినకూడని 10 ఫుడ్స్ ఇవే.. దూరంగా ఉంటే షుగర్ కంట్రోల్ అవుతుంది
మధుమేహం ఉంటే తినకూడని ఫుడ్స్ లిస్ట్ ఇదే
కూల్ డ్రింక్స్, సోడాలు, ఎనర్జీ డ్రింక్స్లో చక్కెర అధికంగా ఉంటుంది. ఇవి రక్తంలో గ్లూకోజ్ స్థాయిలను వేగంగా పెంచుతాయి.
జిలేబీ, గులాబ్ జామున్, లడ్డు, కేకులు, పేస్ట్రీలు వంటి తీపి పదార్థాల్లో చక్కెర, కేలరీలు ఎక్కువగా ఉంటాయి. వీటిని తరచూ తినడం ప్రమాదకరం.
వైట్ బ్రెడ్లో ఫైబర్ తక్కువగా, రిఫైన్డ్ కార్బోహైడ్రేట్లు ఎక్కువగా ఉంటాయి. దీంతో రక్తంలో చక్కెర స్థాయిలు త్వరగా పెరిగే అవకాశం ఉంటుంది.
తెల్ల బియ్యం అధిక గ్లైసెమిక్ ఇండెక్స్ కలిగి ఉంటుంది. ఎక్కువ పరిమాణంలో తీసుకుంటే షుగర్ స్థాయిలు పెరగవచ్చు.
పండ్ల రసం ఆరోగ్యకరమని అనిపించినా.. ప్యాకేజ్డ్ జ్యూసుల్లో అదనపు చక్కెర ఎక్కువగా ఉంటుంది. కాబట్టి పండుగా తినడం మంచిది.
పకోడీలు, సమోసాలు, చిప్స్, ఫ్రెంచ్ ఫ్రైస్ వంటి ఆహారాల్లో అనారోగ్యకరమైన కొవ్వులు ఎక్కువగా ఉంటాయి. ఇవి బరువు పెరగడానికి, ఇన్సులిన్ నిరోధకత పెరగడానికి కారణమవుతాయి.
కొన్ని రకాల ఫ్లేవర్డ్ యోగర్ట్స్లో చక్కెర అధికంగా ఉంటుంది. కాబట్టి షుగర్ ఉన్నవారు సాధారణ పెరుగును ఎంచుకోవడం మంచిది.
చాలా బిస్కెట్లు, కుకీలు రిఫైన్డ్ పిండి, చక్కెర, ట్రాన్స్ ఫ్యాట్స్తో తయారవుతాయి. ఇవి రక్తంలో చక్కెరను పెంచుతాయి.
ఐస్క్రీమ్లో చక్కెర, శాచ్యురేటెడ్ ఫ్యాట్ అధికంగా ఉంటాయి. తరచూ తినడం వల్ల షుగర్ నియంత్రణ కష్టమవుతుంది.
ఇన్స్టంట్ నూడుల్స్, ప్రాసెస్డ్ ఫుడ్స్లలో రిఫైన్డ్ కార్బోహైడ్రేట్లు, సోడియం, ప్రిజర్వేటివ్స్ ఎక్కువగా ఉంటాయి. ఇవి మధుమేహ నియంత్రణకు ఆటంకం కలిగించవచ్చు.
మధుమేహం ఉన్న ప్రతి వ్యక్తి శరీర పరిస్థితి, మందులు, జీవనశైలి వేర్వేరుగా ఉంటాయి. కాబట్టి ఏ ఆహారాన్ని పూర్తిగా మానేయాలా లేదా పరిమితంగా తీసుకోవాలా అనేది వైద్యులు లేదా డైటీషియన్ సలహా మేరకు నిర్ణయించుకోవడం మంచిది.