Rashmika mandanna: క్యూట్ లుక్స్ తో ఆకట్టుకుంటున్న కన్నడ సోయగం
కన్నడ భామ రష్మిక మందాన వరుస సినిమాలో దూసుకుపోతుంది. సౌత్ టు నార్త్ అన్ని భాషాల్లోనూ అవకాశాలు దక్కించుకుంటున్నది.
Download ABP Live App and Watch All Latest Videos
View In Appఛలో సినిమాతో తెలుగు తెరకు పరిచయం అయిన ఈ అమ్మడు తక్కువ సమయంలో టాప్ హీరోయిన్ గా ఎదిగింది.
దక్షిణాదిన సత్తా చాటిన ఈ ముద్దుగుమ్మ బాలీవుడ్ లో తన అదృష్టాన్ని పరీక్షించుకోబోతుంది.
బాలీవుడ్ సూపర్ స్టార్ అమితాబ్ బచ్చన్ తో కలిసి ‘గుడ్ బై’ అనే సినిమాలో నటించింది. వికాస్ బహల్ దర్శకత్వంలో తెరకెక్కిన ఈ సినిమా అక్టోబర్ 7న ప్రేక్షకుల ముందుకు రానుంది.
తాజాగా విడుదలైన ‘గుడ్ బై’ ట్రైలర్ లో కట్టుబాట్లు, ఆచారాలు అనుసరించే తండ్రిగా అమితాబ్ బచ్చన్ కనిపించారు.
రష్మిక కట్టుబాట్లు, ఆచారాలను పూర్తిగా వ్యతికేరించే కూతురిగా కనపడింది.
తల్లి అంత్యక్రియలు ఎలా చేయాలన్న విషయంలో కుటుంబ సభ్యుల మధ్య జరిగే గొడవలను కథాంశంగా తీసుకుని ఈ సినిమాను తెరకెక్కించాడు దర్శకుడు.
తన తల్లి అంత్యక్రియలు జరగాల్సింది ఇలా కాదు.. ఆమె కోరుకున్నది వేరు అంటూ తండ్రితో కూతురు వాదనకు దిగుతుంది.
వేల ఏళ్లుగా వస్తున్న సాంప్రదాయాన్ని పాటించాలని అమితాబ్ అంటారు. అయినా, ఇది బర్త్డే కాదు ఎలా సెలబ్రేట్ చేసుకోవాలనుకుంటున్నారు? అని అడిగి చేయడానికి అని ఆగ్రహం వ్యక్తం చేస్తారు.
ఓ మనిషి అంత్యక్రియల సమయంలో వాళ్ల ఇష్టాయిష్టాలను చూడాలా? లేదంటే సాంప్రదాయం చూడాలా? అనే విషయాన్ని ఈ ట్రైలర్లో చూపించారు.
నవ్విస్తూనే గుండె బరువెక్కించే సన్నివేశాలు, డైలాగులు ఈ ట్రైలర్లో ఉన్నాయి.
పూర్తి స్థాయిలో ఎమోషన్ తో కూడిన ఈ సినిమాను శోభా కపూర్, ఏక్తా కపూర్లు నిర్మించారు. ఈ చిత్రం అక్టోబర్ 7న విడుదల కానుంది.
రష్మిక ఈ సినిమా తర్వాత సిద్ధార్థ్ మల్హోత్రాతో కలిసి ‘మిషన్ మజ్నూ’ అనే సినిమాలో నటిస్తున్నది.
అనంతరం అర్జున్ రెడ్డి ఫేమ్ సందీప్రెడ్డి వంగా దర్శకత్వంలో తెరకెక్కుతున్న ‘యానిమల్’ మూవీలో రణ్బీర్ కపూర్ సరసన నటిస్తోంది.
రష్మిక మందాన్న