Sriranga Neethulu OTT: రెండు ఓటీటీల్లో శ్రీరంగ నీతులు - యాంథాలజీ సినిమా ఎందులో స్ట్రీమింగ్ అవుతుందంటే?

విభిన్నమైన సినిమాలు చేస్తూ తెలుగులో తనకంటూ స్పెషల్ ఇమేజ్ క్రియేట్ చేసుకున్న యంగ్ హీరో సుహాస్. ఆయన ఓ పాత్రలో నటించిన యాంథాలజీ సినిమా 'శ్రీరంగ నీతులు'. ఇందులో 'బేబీ' ఫేమ్ విరాజ్ అశ్విన్, రుహానీ శర్మ ఓ కథలో జంటగా నటించారు. సుహాస్ ఓ కథలో హీరో కాగా... కార్తీక్ రత్నం మరొక హీరో. ప్రజెంట్ ఈ సినిమా రెండు ఓటీటీల్లో స్ట్రీమింగ్ అవుతోంది.

ఇప్పుడు 'శ్రీరంగ నీతులు' సినిమా అమెజాన్ ప్రైమ్ వీడియో ఓటీటీతో పాటు ఆహా ఓటీటీలో స్ట్రీమింగ్ అవుతోంది. రెండిటిలో ట్రెండింగ్ పొజిషన్‌లో సినిమా ఉందని నటీనటులు సంతోషం వ్యక్తం చేశారు.

'శ్రీరంగ నీతులు' చిత్రానికి వీఎస్ఎస్ ప్రవీణ్ దర్శకత్వం వహించారు. దీనికి ఓటీటీ ఆడియన్స్ నుంచి ట్రెమండస్ రెస్పాన్స్ వస్తోందని ఆయన సంతోషం వ్యక్తం చేశారు.

'శ్రీ‌రంగనీతులు' సినిమా ఏప్రిల్ 12న థియేటర్లలో విడుదలైంది. రాధావి ఎంట‌ర్‌టైన్‌మెంట్స్ ప‌తాకంపై ఈ సినిమాను వెంక‌టేశ్వ‌ర‌రావు బ‌ల్మూరి ప్రొడ్యూస్ చేశారు.

'శ్రీ‌రంగ నీతులు'లో డబ్బున్న అమ్మాయిగా రుహనీ శర్మ... ఆమె ప్రేమికుడిగా విరాజ్ అశ్విన్ కనిపించారు. పెళ్లి సంబంధం తీసుకొస్తే ఇంట్లో తండ్రికి తన ప్రేమ విషయం చెప్పలేక... తనకు గర్భం వచ్చిందేమోనని టెన్షన్ పడే అమ్మాయిగా రుహనీ శర్మ నటించారు.

గంజాయికి బానిసైన యువకుడిగా కార్తీక్ రత్నం... కాలనీలో పేరు కోసం పరితపించే యువకుడిగా సుహాస్ నటించారు.