RRR NTR: చాలా రోజుల తర్వాత ఎన్టీఆర్ ఐడీ కార్డు వేసుకున్నాడట.. వైరల్ అవుతున్న RRR సెట్లోని ఫొటోలు
రాజమౌళి దర్శకత్వంలో తెరకెక్కుతోన్న చిత్రం ‘ఆర్ఆర్ఆర్’. అంతర్జాతీయ స్థాయిలో ప్రతిష్టాత్మకంగా తెరకెక్కుతున్న చిత్రం ఇది. ఈ సినిమా లాస్ట్ షెడ్యూల్ కోసం చిత్ర యూనిట్ ఉక్రెయిన్లో ఉంది. అక్కడ ఆర్ఆర్ఆర్ యూనిట్ నటీనటులకు సాంకేతిక నిపుణులకు స్పెషల్గా ఐడీ కార్డులను ఇచ్చారు.
ఉక్రెయిన్ లో ఉన్న ఎన్టీఆర్ కు తారక రామారావు పేరుతో ఐడీ కార్డు ఇచ్చారు. ఆ కార్డును ఎన్టీఆర్ సోషల్ మీడియాలో షేర్ చేశారు. ఎన్టీఆర్ ఐడీ కార్డు మీద హీరో అని ఉంది.
ఆర్ఆర్ఆర్ షూటింగ్లో మెడలో ఐడీ కార్డులతో ఫోటోలకు రాజమౌళి, ఎన్టీఆర్ ఫోజులిచ్చారు. ఆ ఫోటోలను చిత్రబృందం షేర్ చేసింది.
ఈ సినిమాలో ఎన్టీఆర్, రామ్ చరణ్లు చారిత్రక వీరులైన కొమరం భీమ్, అల్లూరి సీతారామ రాజు పాత్రలు చేస్తున్నారు.
‘ఆర్ఆర్ఆర్’ సినిమా నుంచి విడుదలైన ‘దోస్తీ’ సాంగ్కు మంచి రెస్పాన్స్ వచ్చింది.
ఈ సినిమాను డీవివి దానయ్య నిర్మిస్తున్నారు. ఈ ఏడాది అక్టోబర్ 13న దసరా కానుకగా విడుదల చేసేందుకు సన్నాహాలు చేస్తున్నారు.