Priyanka Mohan: బ్లాక్ డ్రెస్ లో 'OG' బ్యూటీ క్రేజీ పోజులు.. అమ్మడి అందాలకు నెటిజన్స్ ఫిదా!
'ఓంధ్ కథే హెల్లా' అనే కన్నడ చిత్రంతో హీరోయిన్ గా తెరంగేట్రం చేసిన అందాల భామ ప్రియాంక అరుల్ మోహన్.. తెలుగు తమిళ చిత్రాల్లో ఆఫర్స్ అందుకుంది. నాని 'గ్యాంగ్ లీడర్' సినిమాతో టాలీవుడ్ లో అడుగుపెట్టింది. అయితే ఈ మూవీ ఆశించిన విజయాన్ని సాధించలేదు.
తెలుగులో తొలి సినిమా సక్సెస్ అందించనప్పటికీ.. ప్రియాంక అందానికి, క్యూట్ ఎక్స్ ప్రెషన్స్ కు మన ఆడియన్స్ ఫిదా అయ్యారు. ఈ నేపథ్యంలో శర్వానంద్ సరసన 'శ్రీకారం' చిత్రంలో హీరోయిన్ గా నటించే అవకాశం దక్కించుకుంది. ఈ మూవీ కూడా బాక్సాఫీస్ వద్ద హిట్టు కాలేదు.
బ్యాక్ టూ బ్యాక్ రెండు ప్లాప్స్ రావడంతో ప్రియాంక అరుళ్ మోహన్ కు తెలుగులో అవకాశాలు సన్నగిల్లాయి. అలాంటి టైమ్ లో తమిళ చిత్ర పరిశ్రమ ఈ బ్యూటీకి గ్రాండ్ వెల్ కమ్ చెప్పింది. శివ కార్తికేయన్ తో కలిసి చేసిన 'డాక్టర్' సినిమా బ్లాక్ బస్టర్ అయింది. 'వరుణ్ డాక్టర్' గా తెలుగులోనూ సక్సెస్ సాధించింది.
ఇదే క్రమంలో తమిళ్ లో సూర్యతో నటించిన 'ఈటీ', శివ కార్తికేయన్ కు జోడీగా చేసిన 'కాలేజ్ డాన్' సినిమాలు కూడా ఈ ముద్దుగుమ్మకు మంచి పేరు తెచ్చిపెట్టాయి. దీంతో ప్రియాంక మరోసారి టాలీవుడ్ ఫిలిం మేకర్స్ దృష్టిని ఆకర్షించింది.
ప్రస్తుతం పవర్ స్టార్ పవన్ కళ్యాణ్ సరసన 'OG' అనే యాక్షన్ మూవీలో హీరోయిన్ గా నటిస్తోంది. సుజీత్ దర్శకత్వం వహిస్తున్న ఈ సినిమా షూటింగ్ శరవేగంగా జరుగుతోంది. ఇటీవలే పవన్, ప్రియాంక మధ్య ఓ సాంగ్ ను షూట్ చేసినట్లు సమాచారం.
మరోవైపు కోలీవుడ్ లో ధనుష్ హీరోగా తెరకెక్కుతున్న 'కెప్టెన్ మిల్లర్' అనే పీరియాడిక్ యాక్షన్ అడ్వెంచర్ మూవీలో ప్రియాంక హీరోయిన్ గా చేస్తోంది. ఈ రెండు క్రేజీ చిత్రాలు అమ్మడిని స్టార్ హీరోయిన్ ను చేస్తాయని భావిస్తున్నారు.
అయితే హిట్లు ఉన్నప్పటికీ ఇన్నాళ్లూ స్టార్ స్టేటస్ అందకపోవడానికి కారణం గ్లామర్ షో కు దూరంగా ఉండటంతోనే అనే కామెంట్స్ ఫిలిం సర్కిల్స్ లో ఉన్నాయి. ఇప్పుడు 'ఓజీ' 'కెప్టెన్ మిల్లర్' సినిమాల్లో ఆమె ఎలాంటి పాత్రల్లో కనిపిస్తుందో చూడాలి.
ఇటీవల కాలంలో సోషల్ మీడియాలో యాక్టీవ్ అయిన ఈ బ్యూటీ.. ఇంస్టాగ్రామ్ లో రెగ్యులర్ గా ఫోటోలు, వీడియోలు అప్లోడ్ చేస్తూ వస్తోంది. తాజాగా కొన్ని బ్యూటిఫుల్ పిక్స్ షేర్ చేసింది. ఇవి ప్రస్తుతం నెట్టింట వైరల్ అవుతున్నాయి.