Master Bharath: మాస్టర్ భరత్ ఇంట్లో తీవ్ర విషాదం - ఆయన మాతృమూర్తి కన్నుమూత

మాస్టర్ భరత్ ఇంట్లో తీవ్ర విషాదం నెలకొంది. ఆయన తల్లి కమలహాసిని ఆదివారం రాత్రి చెన్నైలో కన్నుమూశారు.

ఆమె మృతికి కారణాలు తెలియాల్సి ఉంది. దీంతో ఆయనకు పలువురు సెలబ్రిటీలు ప్రగాఢ సానుభూతి తెలియజేస్తున్నారు. బంధుమిత్రులు ఇంటికి వచ్చి పరామర్శిస్తున్నారు.

గత కొంతకాలంగా భరత్ అనారోగ్య సమస్యలతో బాధ పడుతున్నారు. ఇలాంటి టైంలో తల్లిని కోల్పోవడంతో తీవ్ర వేదనకు గురవుతున్నారు. బంధుమిత్రులు ఆయనకు ధైర్యం చెబుతున్నారు.

తెలుగులో ఎన్నో సినిమాల్లో చైల్డ్ ఆర్టిస్ట్‌గా భరత్ మంచి గుర్తింపు తెచ్చుకున్నారు. వెంకీ, రెడీ, ఢీ, కింగ్, బిందాస్, మిస్టర్ పర్‌ఫెక్ట్ ఇలా దాదాపు 80 తెలుగు సినిమాల్లో తనదైన నటనతో మెప్పించారు.

గతేడాది రిలీజ్ అయిన విశ్వం సినిమాలో చివరిగా కనిపించారు. తెలుగు, తమిళ, కన్నడ భాషల్లో పలు చిత్రాల్లో భరత్ నటించారు. ప్రస్తుతం ఒకటి రెండు సినిమాలు చేస్తున్నారు.