R Madhavan : మాధవన్ జుట్టుకు రంగు వేసుకోకపోవడానికి రీజన్ అదేనట.. రజినీ గురించి ఏమన్నాడంటే

ఆర్ మాధవన్ 55 ఏళ్ల వయసులో కూడా చాలా ఫిట్ గా ఉంటారు. ఆయన ఎనర్జీ, ఫిట్నెస్​తో ఇప్పటికీ ఎందరో యువ నటులకు పోటీనిస్తున్నారు.

ఇటీవల ఒక ఇంటర్వ్యూలో మాధవన్ తన జుట్టుకు రంగు వేయకపోవడానికి గల కారణాన్ని వివరించాడు. నటుడి అభిప్రాయం ప్రకారం.. కొత్తవారితో పోటీ పడడానికి కొందరు హెయిర్ కలర్ వేసుకుంటారని తెలిపారు.

తనకి ఎప్పుడూ అలా జరగలేదని.. అందుకే జుట్టుకు రంగు వేసుకోవాల్సిన అవసరం రాలేదని తెలిపారు. వయసు పెరిగే కొద్దీ తెల్ల జుట్టు సహజంగా వస్తుంది. ఆ సహజమైన విషయాన్ని మార్చడం తనకి ఇష్టం లేదన్నారు.

'ఇప్పుడు తెల్ల జుట్టు వచ్చింది. సినిమాలోని పాత్ర కోసం అవసరం అయితే తప్పా.. నేను నా జుట్టుకు రంగు వేసుకోవాలనుకోవట్లేదు.'

రజనీకాంత్​ను ఉద్దేశిస్తూ.. 'దిగ్గజ నటుడైన రజనీ సార్.. తెరపై చాలా సింపుల్​గానే ఉంటారు. కెమెరా ముందు లేకపోతే ఎలా కనిపిస్తున్నారో కూడా ఆయన పట్టించుకోరు.'

మిగిలిన వారంతా తమని తాము యువకులుగా చూపించుకోవడానికి జుట్టుకు రంగు వేసుకుంటారని.. అందుకే వారు కొత్తవారితో పోటీ పడవలసి వస్తుందని చెప్పారు. కానీ తాను అలాంటి ఒత్తిడిని ఎప్పుడూ అనుభవించలేదని అన్నారు.

ఆర్ మాధవన్ మాట్లాడుతూ సిక్స్ ప్యాక్ కోసం ఎప్పుడూ వ్యాయామశాలకు వెళ్లాల్సిన అవసరం లేదని చెప్పారు. జిమ్​లో చెమట చిందించకుండానే తన అద్భుతమైన ట్రాన్సఫర్మేషన్ ద్వారా అందరినీ ఆశ్చర్యపరిచారు.