Paytm Share Price: ఆర్బీఐ నిర్ణయంతో పేటీఎం షేర్లు జంప్‌!

యూపీఐ లైట్‌ లావాదేవీల పరిమితిని పెంచుతూ ఆర్బీఐ తీసుకున్న నిర్ణయం పేటీఎంకు కలిసొచ్చింది. ఆ షేర్లు భారీగా పెరిగాయి.

గతంలో రూ.200గా ఉన్న పరిమితిని రూ.500 పెంచుతున్నారు. ఇది పేటీఎం, ఫోన్‌పే, గూగుల్‌ పే వంటి యాప్స్‌కు లాభదాయకం.

యూపీఐ లైట్‌ పరిమితి పెంపుతో పేటీఎం షేర్లు నేడు లాభపడ్డాయి. ఉదయం నుంచీ ఇంట్రాడే గరిష్ఠ స్థాయిలోనే కొనసాగుతున్నాయి.

గురువారం ఉదయం రూ.836 వద్ద మొదలైన షేరు రూ.833 వద్ద కనిష్ఠాన్ని తాకింది. రూ.867 వద్ద ఇంట్రాడే గరిష్ఠాన్ని చేరుకుంది. మధ్యాహ్నం 2 గంటలకు రూ.20 పెరిగి రూ.860 వద్ద ట్రేడవుతోంది.

యూపీఐకి ఏఐని జత చేస్తున్నామని ఆర్బీఐ తెలిపింది. దాంతో సంభాషణతో ఆన్‌లైన్‌ లావాదేవీలు చేపట్టేందుకు వీలవుతుంది.