Sam Altman Returns:
OpenAI News Today: OpenAI మాజీ సీఈవో సామ్ ఆల్ట్మన్ (Sam Altman) మైక్రోసాఫ్ట్‌లో చేరుతున్నట్టు సత్య నాదెళ్ల సంచలన ప్రకటన చేశారు. ఆల్ట్‌మన్‌తో పాటు గ్రెగ్ బ్రాక్‌మన్‌ కూడా మైక్రోసాఫ్ట్‌లో (Sam Altman Returns) చేరనున్నట్టు వెల్లడించారు. అయితే ఇంతలోనే...OpenAI కంపెనీ మరో కీలక ప్రకటన చేసింది. సామ్ ఆల్ట్మన్ మళ్లీ సీఈవో బాధ్యతలు చేపట్టనున్నట్టు ట్వీట్ చేసింది. "సామ్ ఆల్ట్మన్ మళ్లీ సీఈవో బాధ్యతలు చేపట్టేందుకు డీల్ కుదిరింది" అని ప్రకటించింది.
దీన్ని ధ్రువీకరిస్తూ సామ్ ఆల్ట్మన్ కూడా ట్విటర్‌లో స్పందించారు. మళ్లీ సీఈవోగా బాధ్యతలు తీసుకునేందుకు సిద్ధంగా ఉన్నానని ప్రకటించారు. గ్రెగ్ బ్రాక్‌మన్‌ కూడా ట్వీట్ చేశారు. OpenAIలోకి తిరిగి వస్తున్నట్టు వెల్లడించారు.
"నాకు OpenAI అంటే చాలా ఇష్టం. నేనేం చేసినా టీమ్‌ని దృష్టిలో పెట్టుకునే చేశాను. మళ్లీ CEO బాధ్యతలు చేపట్టేందుకు సిద్ధంగా ఉన్నాను. ఇదే సమయంలో మైక్రోసాఫ్ట్‌తో మైత్రిని కొనసాగిస్తాం"
- సామ్ ఆల్ట్మన్, OpenAI CEO