Viral Video crocodile : ప్రధానమంత్రి నరేంద్రమోడీ చిన్న తనంలో మొసలి పిల్లను చెరువులో నుంచి పట్టుకుని ఇంటికి తీసుకెళ్లాడని ఓ రాష్ట్రంలో ఏకంగా పాఠంలోనే పెట్టారు. అది ఆయన ధైర్య సాహసాలకు ప్రతీక అని చెప్పుకుంటున్నారు. అయితే అది చిన్న మొసలి. అదే పెద్ద మొసలి వస్తే ఏం చేస్తారు ? ఎవరైనా ఏం చేస్తారు... దూరంగా వెళ్లిపోతారు. కానీ ఆ ఆస్ట్రేలియన్ పెద్ద మనిషి మాత్రం అలాంటి ఆలోచనలకు దూరం. ధైర్యంగా ఎదుర్కొన్నారు.
ఆస్ట్రేలియాఉత్తర ప్రాంతంలో మొసళ్లు ఎక్కువగా ఉండే ఓ లేక్ ప్రాంతంలో విహారయాత్రకు వెళ్లాడు ఓ వృద్ధుడు. ఏదో ఫ్రై చేసుకుందామని పెనం పట్టుకుని అటూ ఇటూ తిరుగుతున్నాడు. అయితే హఠాత్తుగా ఓ మొసలి చెరువు నుంచి బయటకొచ్చింది. వేగంగా వృద్ధుడి మీదకు దూసుకొచ్చింది. అది వస్తున్న విషయం చూసిన వృద్ధుడు ఏ మాత్రం తడబడలేదు. తన దగ్గర ఉన్న పెనంతో తిరగబడ్డాయి. దాని మూతి మీద ఒక్కటిచ్చాడు.
అలా పెనం దెబ్బ మూతి మీద పడగానే ఆ క్రోకడైల్ కూడా భయపడిపోయింది. వెంటనే వెనక్కి తిరిగి చెరువులోకి వెళ్లిపోయింది. ఇప్పుడీ వైరల్ అవుతోంది. ఆ పెద్దాయనకు కింగ్ కాయ్ హన్సెన్ అని పేరు పెట్టి అందరూ అభినందిస్తున్నారు.