Father jumps overboard to save his 5 year old daughter : సముద్రంలో కాస్త లోపలికి వెళ్తేనే మళ్లీ బయటకు రావడం కష్టం. అలాంటిది నడి సముద్రంలో పడిపోతే.. బతకడం సాధ్యం కాదు. అలాంటిది ఓ ఐదేళ్ల పాటు ప్రమాదవశాత్తూ షిప్ నుంచి సముద్రంలో పడిపోయింది. దాన్ని చూసిన తండ్రి వెంటనే పాప కోసం దూకేశారు. దూకి పాప వద్దకు చేరుకున్నాడు. కానీ ఎలా బయటకు వస్తాడు. చివరికి విజయవంతంగా తండ్రి, కుమార్తెలు బయటపడ్డారు. ఈ మధ్యలో చాలా సస్పెన్స్ ధ్రిల్లర్ నడిచింది.
అమెరికాలో దక్షిణ ఫ్లోరిడా తీరానికి వెళ్తున్న ఓ డిస్నీ క్రూయిజ్ షిప్ 4వ డెక్ నుండి సముద్రంలోకి ఓ పాప పడిపోయింది. తన 5 ఏళ్ల కుమార్తెను రక్షించడానికి తండ్రి సముద్రంలోకి దూకాడు. ఓడ వేగంగా కదులుతోంది. వీరిద్దరూ షిప్పులో ఉన్న వారికి కనిపించనంత దూరం షిప్ వెళ్లిపోయింది. అయితే ఓ చిన్న పాప పడిపోయిందని.. ఆమె కోసం తండ్రి కూడా సముద్రంలోకి దూకేశాడని.. ఇతర ప్రయాణికులు ఓడ కెప్టెన్ కు సమాచారం ఇచ్చారు. వెంటనే కెప్టెన్ సమయస్ఫూర్తితో వ్యవహరించి ఓడను స్లో చేసి.. వెనక్కి తిప్పాడు. వెంటనే రెస్కూయ సిబ్బందిని అప్రమత్తం చేశారు.
వారిని తీసుకురావడానికి రక్షణ సిబ్బందితో చిన్న ఓడను సముద్రంలోకి దింపేశారు. వారు ఆ తండ్రి కూతుళ్ల వద్దకు వేగంగా వెళ్లి నీటి నుంచి బయటకు తీశారు. ఆ తండ్రి వెంటనే దూకి .. తన కుమార్తె వద్దకు చేరుకుని మునిగిపోకుండా పొదివి పట్టుకోకపోతే.. పెను ప్రమాదం జరిగేది. ఈ వీడియో సోషల్ మీడియాలో వైరల్ అయింది.
అలాగే ఓడ కెప్టెన్ కూడా అత్యంత సమయస్ఫూర్తితో వ్యవహరించడంతో పెను ప్రమాదం తప్పింది. సముద్రంలో ఇలాంటి సాహసాల వల్ల రెండు ప్రాణాలు నిలబడ్డాయని అందరూ ఊపిరి పీల్చుకున్నారు.