4వ తేదీన రాత్రి సమయంలో ఫేస్ బుక్, ఇన్ స్టా, వాట్సాప్ ఇన్స్టాగ్రామ్ సేవలు స్తంభించిపోయాయి. అసలు ఏమైదంటూ.. యూజర్లు.. నానా హైరానా పడిపోయారు. అయితే తమదే తప్పు అని ఫేస్ బుక్ ప్రకటించింది. ఆ రోజు అర్ధరాత్రి దాటిన తర్వాత సేవలు అందుబాటులోకి వచ్చాయి. అయితే ఎలాంటి సమాచారం లేకుండా.. ఇలా జరగడంపై నెటిజన్లు అనుమానాలు వ్యక్తం చేశారు. అయితే కొత్తగా మళ్లీ ఇన్స్టాగ్రామ్, ఫేస్బుక్ సేవలు నిలిచిపోవడం కలకలం రేపింది.
8వ తేదీన(శుక్రవారం) ఇన్స్టాగ్రామ్, ఫేస్బుక్ సేవలలో మళ్లీ అంతరాయం వచ్చింది. ఇక యూజర్లు సోషల్మీడియాలో ఏమైంది బాబు అంటూ.. చర్చలు చేశారు. అయితే సేవలు నిలిపోయిన మాట వాస్తవమేనని.. పరిష్కరిస్తున్నామని.. అక్టోబర్ 9 వ తేదీ 12.59 AM కి అంటే శనివారం రోజున ఇన్స్టాగ్రామ్, ఫేస్బుక్ చెప్పాయి. రెండు గంటల తర్వాత సేవలను పునరుద్దరించారు. ఈ మేరకు ఆ సంస్థలు ప్రకటన చేశాయి. అయితే అప్పటికే చాలామంది తమ అకౌంట్లు హ్యాక్ అయినట్లు ఫిర్యాదులు చేశారు.
కేవలం ఫేస్బుక్, దాని అనుబంధ సంస్థల సేవలకు మాత్రమే అంతరాయం కలగడంపై అనుమానాలు వ్యక్తం చేస్తున్నారు నెటిజన్లు. ఇంటర్నెట్ ఇన్ఫ్రాస్ట్రక్చర్ వల్ల ఈ సమస్య తలెత్తి అవకాశం ఉందని చెబుతున్నారు టెక్ నిపుణులు. డీఎన్ఎస్, బీజీపీ వల్ల సేవలు నిలిచిపోయి ఉండొచ్చని భావిస్తున్నారు.
Also read: ఊరగాయలు, పెరుగు రోజూ తినడం మంచిదేనా? స్టాన్ ఫోర్డ్ అధ్యయనం ఏం తేల్చింది?
Also read: ఇలాంటి వారికి కరోనా సోకితే మరణించే అవకాశాలు ఎక్కువ... తేల్చిన కొత్త అధ్యయనం
Also read: కొలెస్ట్రాల్ తగ్గించుకోవాలా? ఆరోగ్యకరమైన పద్ధతులు ఇవిగో...