Condom crisis in Milano Games: ఇటలీలోని మిలాన్ వేదికగా జరుగుతున్న 2026 వింటర్ ఒలింపిక్స్లో సరికొత్త కండోమ్ సంక్షోభం తలెత్తింది. వాలెంటైన్స్ డే సందర్భంగా అథ్లెట్ల గ్రామాల్లో ఈ పరిస్థితి ఏర్పడటం ప్రపంచవ్యాప్తంగా చర్చనీయాంశమైంది.
మిలాన్ ఒలింపిక్స్లో పరాకాష్టకు వాలెంటైన్స్ వేడి
మిలాన్-కోర్టినా వింటర్ ఒలింపిక్స్ క్రీడా గ్రామాల్లో అథ్లెట్ల కోసం ఏర్పాటు చేసిన ఉచిత కండోమ్ నిల్వలు కేవలం మూడు రోజుల్లోనే నిండుకున్నాయి. మొత్తం 2,800 మంది అథ్లెట్ల కోసం నిర్వాహకులు మొదట 10,000 కండోమ్ ప్యాకెట్లను సరఫరా చేయగా, వాలెంటైన్స్ వీక్ ముగియక ముందే అవి ఖాళీ అయిపోయాయి. ఫిబ్రవరి 14వ తేదీ శనివారం నాటికే స్టాక్ మొత్తం అయిపోవడంతో నిర్వాహకులు ఆశ్చర్యపోయారు.
ఆటలు బాగా సాగుతున్నయని సెటైర్లు
ఈ పరిస్థితిపై అంతర్జాతీయ ఒలింపిక్ కమిటీ ప్రతినిధి మార్క్ ఆడమ్స్ కామెడీ చేశారు. క్రీడా గ్రామాల్లో వాలెంటైన్స్ డే వేడుకలు పూర్తి స్థాయిలో జరుగుతున్నాయని ఇది నిరూపిస్తోంది. 2,800 మంది అథ్లెట్లు 10,000 కండోమ్లను వాడేశారు.. ఇక లెక్క మీరే వేసుకోండి అని వ్యాఖ్యానించారు. ఒలింపిక్ చార్టర్లో కండోమ్లకు సంబంధించిన ఒక కథనం ఉండటం ఒక ఆనవాయితీగా మారిందని ఆయన జోక్ చేశారు.
అంచనాల తలకిందులు
కేవలం మూడు రోజుల్లోనే స్టాక్ అయిపోవడంపై అథ్లెట్లు సైతం విస్మయం వ్యక్తం చేస్తున్నారు. మెక్సికన్ ఫిగర్ స్కేటర్ డోనోవన్ క్యారిల్లో మాట్లాడుతూ, ఈ వార్త విని తాను షాక్ అయ్యానని పేర్కొన్నారు. అయితే, మడగాస్కర్కు చెందిన ఆల్పైన్ స్కీయర్ మియాలిటియానా క్లెర్క్ మాత్రం ఇది ఆశ్చర్యకరమేమీ కాదని, అథ్లెట్లు వీటిని వాడటమే కాకుండా బయట ఉన్న తమ స్నేహితులకు ఒలింపిక్ గిఫ్ట్లు గా కూడా ఇస్తుంటారని వెల్లడించారు.
గత 2024 పారిస్ ఒలింపిక్స్లో సుమారు 3,00,000 కండోమ్లను సరఫరా చేయగా, ఈసారి కేవలం 10,000 మాత్రమే అందుబాటులో ఉంచడం ఈ కొరతకు ప్రధాన కారణమని విశ్లేషకులు భావిస్తున్నారు. డిమాండ్ను తక్కువగా అంచనా వేయడం వల్లే ఈ పరిస్థితి తలెత్తిందని నిర్వాహకులు అంగీకరించారు. అయితే, వెంటనే అప్రమత్తమైన అధికారులు వెంటనే కొత్త నిల్వలను అథ్లెట్ల గ్రామాలకు చేరుస్తామని హామీ ఇచ్చారు.