కేంద్ర హోంమంత్రి అమిత్ షా.. పాకిస్థాన్‌కు తీవ్ర హెచ్చరికలు చేశారు. సరిహద్దుల్లో అలజడి సృష్టించేందుకు పాక్ కుట్రలు పన్నితే మరిన్ని లక్షిత దాడులు ఎదుర్కోవాల్సి ఉంటుందని అమిత్ షా హెచ్చరించారు. అలాంటి దుస్సాహసాలకు పాల్పడితే గట్టి బదులిస్తామన్నారు.
దేశ సరిహద్దుల్లో అతిక్రమణలకు పాల్పడినా, కశ్మీర్‌లోని అమాయక ప్రజల్ని చంపేందుకు ఉగ్రవాదాన్ని ఎగదోస్తే పాకిస్థాన్‌కు మరిన్ని మెరుపు దాడులు తప్పవు. భారత్‌పై దాడి చేస్తే సహించబోమని గతంలో మెరుపు దాడులతో నిరూపించాం. - అమిత్ షా, కేంద్ర హోంమంత్రి
గోవాలోని నేషనల్ ఫోరెన్సిక్ సైన్సెస్ యూనివర్సిటీకి అమిత్ షా గురువారం శంకుస్థాపన చేశారు. ఈ సందర్భంగా గతంలో పాకిస్థాన్‌పై చేసిన మెరుపుదాడులకు సారథ్యం వహించిన రక్షణ శాఖ మాజీ మంత్రి మనోహర్ పారికర్‌ను గుర్తు చేసుకున్నారు.
ఆ లక్షిత దాడులతో పాకిస్థాన్‌కు గట్టి సందేశమిచ్చామన్నారు. అయితే ఇప్పుడు మాత్రం బదులిచ్చే సమయం వచ్చేసిందని.. ఇక చర్చలు ఉండబోవని అమిత్ షా అన్నారు.
గతంలో ఉరీ, గురుదాస్‌పుర్‌, పఠాన్‌కోట్‌లలో పాక్ ఉగ్రవాదులు చేసిన దాడులకు భారత్ ప్రతిగా సర్జికల్ స్ట్రైక్స్ చేసింది. పాకిస్థాన్‌లోని ఉగ్రవాద శిబిరాలపై మెరుపుదాడులు చేసింది.
Also Read: Mumbai Cruise Drug Case: ఆర్యన్ ఖాన్‌తో ఉన్నది ఎవరు?.. వైరల్ సెల్ఫీలో వ్యక్తిపై లుక్ఔట్ నోటీసు!
Also Read: రోజుకి ఎన్ని అడుగులు వేస్తే మంచిది? అసలు ఎన్ని అడుగులు వేస్తే ఆరోగ్యానికి ఆరోగ్యం