Nagaland Minister Tweet Viral:
ఫోటో వైరల్..
నాగాలాండ్ మంత్రి తెంజెన్ ఇమ్నా (Temjen Imna) ట్విటర్‌లో పోస్ట్ చేసిన ఓ ఫోటో వైరల్ అవుతోంది. ఓ ఈవెంట్‌లో పాల్గొన్న మొబైల్ చూసుకుంటూ కూర్చున్నారు. అయితే...దీనిపై ఫన్నీగా ట్వీట్ చేశారు. కాస్త హ్యూమర్ టచ్ ఇచ్చారు. "నేను నిద్ర పోవడం లేదు"
అంటూ పోస్ట్ చేశారు. ఈ ఫోటోలో మంచి ఫార్మల్‌ లుక్‌లో ఉన్నారు తెంజెన్. ఇప్పుడే కాదు. తరచూ ఇలాంటి ఫన్నీ ట్వీట్‌లు చేస్తూ ఉంటారు. ఈ సారి "నేనేం నిద్రపోవడం లేదు. జస్ట్ నా నెక్స్ట్ ట్వీట్‌ను డ్రాఫ్ట్‌ చేసుకుంటున్నానంతే" అని పోస్ట్ చేశారు. ట్వీట్ చేసిన కాసేపటికే 2.7 లక్షల వ్యూస్, 12 వేల లైక్‌లు వచ్చాయి. ఈ పోస్ట్‌పై నెటిజన్లు స్పందిస్తున్నారు. కొందరైతే కడుపుబ్బా నవ్వే ఎమోజీలు పోస్ట్ చేస్తున్నారు. ట్వీట్ చేసిన తరవాత నిద్రపోండి అంటూ ఓ నెటిజన్ కామెంట్ చేశాడు. "నా చిన్నప్పుడు నేను కూడా ఇలాగే చేసే వాడిని చేతిలో బుక్ పెట్టుకుని నిద్రపోయేవాడిని. నాన్న అడిగితే...ఫార్ములా గుర్తు చేసుకుంటున్నా అని చెప్పేవాడిని" అంటూ లాఫింగ్ ఎమోజీస్ పెట్టాడు మరో నెటిజన్. అంతకు ముందు మరో ఫన్నీ ట్వీట్‌తో నవ్వించారు తెంజెన్. నాగాలాండ్ టూరిజంను ప్రమోట్ చేసేందుకు కొత్త ఐడియాతో ముందుకొచ్చారు. "మీరు స్పైడర్ మేన్, సూపర్ మేన్‌లను చూసుండొచ్చు. ఇప్పుడు మీకు నేను T Manని పరిచయం చేస్తున్నా. T అంటే తెంజెన్ మాత్రమే కాదు. టూరిజం కూడా. నాగాలాండ్‌ను విజిట్ చేయాలనుకుంటున్నారా..? నాతో పాటు వచ్చేదెవరు..?" అంటూ ట్వీట్ చేశారు. ఈ మధ్య వరల్డ్ స్లీపింగ్ డే రోజున కూడా ఇలాంటి ఫన్నీ ట్వీట్‌లతో అలరించారు తెంజెన్ ఇమ్నా.