సాహిత్య రంగంలో ప్రతిష్ఠాత్మక నోబెల్ బహుమతిని రాయల్ స్వీడిష్ అకాడమీ ప్రకటించింది. టాంజానియా నవలా రచయిత అబ్దుల్ రజాక్ గుర్నాను ఈ ఏడాది నోబెల్ పురస్కారం వరించింది. శరణార్థుల వ్యథను కళ్లకు కట్టినందుకు గానూ రజాక్‌కు ఈ పురస్కారాన్ని అందిస్తున్నట్లు రాయల్ స్వీడిష్ అకాడమీ వెల్లడించింది.
- 21 ఏళ్ల వయసులోనే నవలలు రాయడం ప్రారంభించారు గుర్నా.
- ఇప్పటివరకు 10 నవలలు, చాలా చిన్న కథలు రాశారు.
- 1994లో ఆయన రాసిన పారడైస్‌ అనే నవల బుకర్‌ ప్రైజ్‌కు షార్ట్‌లిస్ట్‌ అయ్యింది.
భారత దేశానికి చెందిన విశ్వకవి రవీంద్రనాథ్ ఠాగూర్కు 1913లో నోబెల్ బహుమతి దక్కింది. ఆయన రచించిన గీతాంజలి కావ్యానికి.. ఈ పురస్కారం వరించింది.
ఈ ఏడాది విజేతలు..
వైద్య శాస్త్రంలో అమెరికన్‌ శాస్త్రవేత్తలు డేవిడ్ జూలియస్‌, ఆర్డెమ్‌ పటపౌటియన్‌లకు సంయుక్తంగా నోబెల్ ఈ పురస్కారం దక్కింది.
భౌతిక శాస్త్రంలో సుకురో మనాబే, క్లాస్ హాసిల్మేన్, జార్జియో పారిసీలు నోబెల్ బహుమతి దక్కించుకున్నారు.
రసాయన శాస్త్రంలో బెంజమిన్ లిస్ట్, డేవిడ్ డబ్ల్యూసీ మెక్మిలన్‌లకు నోబెల్ పురస్కారం దక్కింది.
ఇంకా ప్రకటించాల్సినవి..
అక్టోబర్ 8న శాంతి బహుమతి, అక్టోబర్ 11న ఆర్థిక శాస్త్రంలో నోబెల్ బహుమతులను ప్రకటించనుంది రాయల్ స్వీడిష్ అకాడమీ.
Also Read: PM Modi 20 Years: మోదీ ప్రజాప్రస్థానానికి 20 ఏళ్లు పూర్తి.. ప్రధానికి శుభాకాంక్షల వెల్లువ