Madhya Pradesh Plane Crash:
మధ్యప్రదేశ్‌లోని రెవా జిల్లాలో విమానం ఓ ఆలయంలో కుప్ప కూలింది. ఈ ఘటనలో పైలట్ అక్కడికక్కడే మృతి చెందగా...మరొకరు తీవ్రంగా గాయపడ్డారు. ట్రైనింగ్‌లో భాగంగా ప్లేన్ నడుపుతుండగా...ఈ ప్రమాదం జరిగింది. గురువారం అర్ధరాత్రి ఈ ఘటన జరిగినట్టు పోలీసులు వెల్లడించారు. ఓ పైలట్ ప్రాణాలు కోల్పోగా...మరో ట్రైనీ పైలట్ తీవ్ర గాయాల పాలయ్యాడు. ఉమ్రి గ్రామంలో ఓ ఆలయ గోపురాన్ని ఢీకొట్టి విమానం కుప్ప కూలింది. Falcon Aviation Academyకి చెందిన విమానంగా గుర్తించారు. ఎన్నో ఏళ్లుగా అక్కడ పైలట్‌లకు ట్రైనింగ్ ఇస్తోంది ఈ అకాడమీ. స్థానికులు ఇచ్చిన సమాచారం ప్రకారం...అర్ధరాత్రి 11.30 గంటలకు ఈ ప్రమాదం జరిగింది. ఈ ఘటనలో మృతి చెందిన పైలట్‌ను కేప్టెన్ విమల్ కుమార్‌గా గుర్తించారు. గాయపడ్డ ట్రైనీ పైలట్ సోను యాదవ్‌గా నిర్ధరించారు. మంచు కురుస్తున్న కారణంగా...ఆలయ గోపురం కనిపించలేదని అందుకే ప్రమాదం జరిగిందని తెలిపారు. గాయపడిన పైటల్‌ను స్థానిక ఆసుపత్రికి తరలించి చికిత్స అందిస్తున్నారు.