Lucknow Fire:
లక్నోలోని హజర్ట్‌గంజ్ ప్రాంతంలో లెవనా హోటల్‌లో ఘోర అగ్నిప్రమాదం జరిగింది. ఈ ప్రమాదంలో ఇద్దరు మృతి చెందగా...ఏడుగురు ఆసుపత్రి పాలయ్యారు. ఇప్పటికి అందుతున్న సమాచారం ప్రకారం...హోటల్‌లో చాలా మంది చిక్కుకుపోయినట్టు తెలుస్తోంది. వీరిలో గెస్ట్‌లతో పాటు హోటల్ సిబ్బంది కూడా ఉన్నారు. వారిని హోటల్ నుంచి సురక్షితంగా బయటకు తీసుకొచ్చేందుకు శ్రమిస్తున్నారు. ఇప్పటికే పోలీసులు కొందరిని రక్షించారు. ఐరన్‌ రాడ్స్‌ వినియోగించి హోటల్ కిటికీలను బద్దలు కొడుతున్నారు. అందులో నుంచి బాధితులను బయటకు తీసుకొస్తున్నారు. హోటల్ వద్ద పరిస్థితులను ఎప్పటికప్పుడు తెలుసుకుంటున్నట్టు కేంద్ర మంత్రి రాజ్‌నాథ్ సింగ్ వెల్లడించారు. రాష్ట్ర ప్రభుత్వంతో మాట్లాడుతున్నట్టు ట్వీట్ చేశారు. ఇప్పటి వరకూ 13 మందిని పోలీసులు బయటకు తీసుకొచ్చారు. గదులన్నీ పొగతో నిండిపోవడం వల్ల లోపలకు వెళ్లటం కష్టతరమవుతోందని పోలీసులు చెబుతున్నారు.