Mathura Fire Accident:
యూపీలోని మధురలో ఘోర అగ్ని ప్రమాదం జరిగింది. టపాసుల మార్కెట్‌లో మంటలు చెలరేగాయి. ఈ ప్రమాదంలో షాప్‌లు పూర్తిగా దగ్ధమయ్యాయి. పలు వాహనాలూ కాలిపోయాయి. కనీసం 30 మందికి తీవ్ర గాయాలైనట్టు తెలుస్తోంది. యూపీ శివారు ప్రాంతంలోని గోపాల్‌బాఘ్‌లో ఈ ప్రమాదం జరిగింది.
"గోపాల్‌బాఘ్‌లో ఈ అగ్ని ప్రమాదం సంభవించింది. ఒకేసారి 7 షాప్స్‌లో మంటలు చెలరేగాయి. కనీసం 30 మందికి తీవ్ర గాయాలైనట్టు ప్రాథమికంగా గుర్తించాం. షార్ట్ సర్క్యూట్ కారణంగా ప్రమాదం జరిగినట్టు తెలుస్తోంది"
- స్టేషన్ హౌజ్ ఆఫీసర్
ప్రమాదం జరిగిన వెంటనే గాయపడిన వారిని స్థానిక ఆసుపత్రికి తరలించారు. గాయపడ్డ వారిలో కొంత మంది పరిస్థితి విషమంగా ఉందని వైద్యులు వెల్లడించారు.
"అగ్నిప్రమాదం గురించి మాకు సమాచారం అందింది. హుటాహుటిన గాయపడ్డవారిని ఆసుపత్రికి తీసుకొచ్చారు. కొంత మందికి తీవ్ర గాయాలయ్యాయి. చాలా మంది పరిస్థితి విషమంగా ఉంది. అన్ని విధాలుగా వైద్య సాయం అందిస్తున్నాం"
- వైద్యులు