సోషల్ మీడియా ప్లాట్‌ఫామ్ అయిన ట్విటర్‌లో ప్రముఖ పాటల యాప్ ‘గానా’ (Gaana) యాప్‌పై ప్రజల ఆగ్రహం కనిపిస్తోంది. ఈరోజు #Boycott_GaanaApp అనే హ్యాష్ ట్యాగ్ విపరీతంగా ట్రెండింగ్‌లో ఉంది. గానా యాప్ విద్వేషాన్ని వ్యాప్తి చేసే పాటలను ప్రచారం చేస్తోందని నెటిజన్లు ఆరోపిస్తున్నారు.
నిజానికి, ఈ పాటల యాప్‌లో మత ఛాందసవాదుల శిరచ్ఛేదనను కీర్తిస్తూ పాటలు ప్రసారం అయ్యాయి. ఇందులో గుస్తాఖ్-ఎ-నబీ కి ఏక్ సాజా, సార్ తాన్ సే జుడా అనే నినాదాలు ఉన్నాయి. అందుకనే, చాలా మంది వినియోగదారులు ఈ పాటను Gaana యాప్ నుంచి తొలగించాలని డిమాండ్ చేస్తున్నారు. అయితే దీనికి సంబంధించి గానా యాప్ నుంచి ఎలాంటి ప్రకటన వెలువడలేదు. అసలు నినాదాలు ఎందుకు అంత ఆగ్రహం తెప్పిస్తున్నాయంటే.. ఇటీవల ఉదయ్ పూర్‌లో ఓ టైలర్ హత్య అనంతరం నిందితులు ఆ నినాదాలే చేశారు.
రాధే-రాధే అనే ట్విట్టర్ యూజర్ ఇలా ట్వీట్ చేశారు. అనేక హత్యలకు దారితీసిన 'సర్ తాన్ సే జుడా' ఆందోళనకరమైన నినాదాలు ఇకపై వీధులకే పరిమితం కాలేదు. అవి ఇప్పుడు మెయిన్ సాంగ్స్ స్ట్రీమింగ్ యాప్స్‌లోకి కూడా ప్రవేశించారు. హిందువులను పరోక్షంగా బెదిరించడానికి చిన్న వీడియోస్ రూపంలో డౌన్‌లోడ్ చేస్తున్నారు.
మరొక ట్విటర్ యూజర్ ఇలా ట్వీట్ చేశారు. ‘‘హిందువులపై హింసను ప్రేరేపించే ఈ సోషల్ మీడియా లేదా సాంగ్స్ యాప్ పై కఠిన చర్యలు తీసుకోవాలి.’’ అని డిమాండ్ చేశారు.
ఈ పాట కేవలం గానా యాప్ ప్లాట్‌ ఫారమ్‌లోనే కాదు, ఇతర సాంగ్స్ ప్లాట్‌ఫారమ్స్ ఉంది. ఈ వివాదాస్పద పాటను ఈ అన్ని ఫోరమ్‌ల నుండి తొలగించాలని వినియోగదారులు డిమాండ్ చేస్తున్నారు. కొద్ది రోజుల క్రితం, ఉదయపూర్‌లో టైలర్ కన్హయ్య లాల్‌ను హత్య చేసిన గౌస్ మహ్మద్, రియాజ్ అక్తరీ హత్య తర్వాత వారు ఈ నినాదాలు చేశారు.