Goods Train Derail in Delhi: ఢిల్లీలోని Patel Nagar-Dayabasti మార్గంలో ఓ గూడ్స్ ట్రైన్ పట్టాలు తప్పడం స్థానికంగా అలజడి సృష్టించింది. నార్తన్ రైల్వే ఈ విషయాన్ని అధికారికంగా వెల్లడించింది. ఈ ఘటనలో ఓ వ్యక్తి ప్రాణాలు కోల్పోయినట్టు అనుమానిస్తున్నారు. 10 బోగీలు అదుపు తప్పి కింద పడిపోయాయి. రెస్క్యూ ఆపరేషన్ కొనసాగుతోందని అధికారులు తెలిపారు.
జఖీరా ఫ్లైఓవర్ వద్ద ఈ ప్రమాదం జరిగినట్టు వివరించారు. ఉదయం 11.50 నిముషాలకు ఈ ప్రమాదం జరిగిందని వెల్లడించారు. ఐరన్‌ షీట్స్‌తో వెళ్తున్న గూడ్స్ అకస్మాత్తుగా అదుపు తప్పినట్టు చెప్పారు.