Mumbai Fire:
ముంబయిలోని తిలక్ నగర్‌లో ఓ బిల్డింగ్‌లో అగ్నిప్రమాదం జరిగింది. మధ్యాహ్నం 2.43 గంటల ప్రాంతంలో ఒక్కసారిగా భవనంలో నుంచి మంటలు చెలరేగాయి. లెవల్‌-2 ఫైర్‌గా అధికారులు నిర్ధరించారు. "తిలక్‌నగర్‌లో లోకమాన్య తిలక్ టర్మినల్ వద్ద ఓ బిల్డింగ్‌లో మంటలు చెలరేగాయి. ఈ ప్రమాదంలో ఎవరూ చనిపోలేదు" అని ముంబయి ఫైర్ బ్రిగేడ్ వెల్లడించింది. అగ్నిమాపక సిబ్బంది మంటల్ని అదుపులోకి తీసుకొచ్చే ప్రయత్నాలు చేస్తోంది. ఈ మధ్యే మహారాష్ట్రలోని థానేలోనూ ఇలాంటి ఘటనే జరిగింది. ఓ పెద్ద భవంతిలో 18వ అంతస్తులో మంటలు చెలరేగాయి. వెంటనే అక్కడి నుంచి 10 మందిని సురక్షితంగా బయటకు తీసుకొచ్చారు. 27 అంతస్తుల ఈ బిల్డింగ్‌లో జరిగిన ప్రమాదంలో ఎలాంటి ప్రాణనష్టం జరగలేదు.