DRDO: యాంటీ ట్యాంక్​ గైడెడ్​​ మిసైల్​ ప్రయోగం సక్సెస్

స్వదేశీ పరిజ్ఞానంతో రూపొందించిన యాంటీ ట్యాంక్​ గైడెడ్​ మిసైల్​ ను విజయవంతంగా ప్రయోగించింది డీఆర్​డీఓ. ఆత్మనిర్భర భారత్​లో ఇది కీలక ముందడుగుగా పేర్కొంది.

 

 

ఆత్మనిర్భర్ భారత్‌ కు , ఇండియన్ ఆర్మీకి బూస్ట్ ఇచ్చేలా డీఆర్డీవో మరో అప్ డేట్ ఇచ్చింది. శత్రుదేశాల వార్ ట్యాంకులను ధ్వంసం చేసే మ్యాన్ పోర్టబుల్ యాంటీ ట్యాంక్ గైడెడ్ మిసైల్(MPATGM)ను సక్సెస్ ఫుల్ గా ప్రయోగించింది. బుధవారం చేపట్టిన ఈ ప్రయోగం విజయం సాధించినట్టు ప్రకటించింది డీఆర్డీవో. మ్యాన్ పోర్టబుల్ లాంఛర్ ద్వారా పంపించిన మిసైల్ నిర్థిష్ట లక్ష్యాన్ని అనుకున్న టైంలో ఛేదించిందని డీఆర్డీవో ట్వీట్ చేసింది. సమీపంలోని లక్ష్యాలను ఈ మిసైల్  ఈజీగా టార్గెట్ చేయగలదన్న విషయం కన్ఫామ్ అయింది. సుదూరమైన లక్ష్యాలను కూడా ఈ మిసైల్ పై ఛేదించగలదని  గతంలో చేసిన ప్రయోగాలతో స్పష్టమైంది. ఈ మిసైల్ లో లేటెస్ట్ ఇన్ ఫ్రా రెడ్ సీకర్, ఎలక్ర్టానిక్ వ్యవస్థలు ఉన్నట్టు ప్రకటించింది డీఆర్డీవో.

థర్మల్ సైట్‌తో అనుసంధానమైన పోర్టబుల్ లాంచర్ నుంచి ఈ క్షిపణిని డీఆర్‌డీఓ ప్రయోగించింది. డైరెక్ట్ అటాక్ మోడ్‌లో లక్ష్యాన్ని రీచ్ అయినట్టు తెలిపింది డీఆర్డీవో. మిషన్ అన్ని లక్ష్యాలు నెరవేరాయని చెప్పింది. ఈ ప్రయోగంతో స్వదేశీ క్షిపణి శక్తి రెట్టింపు అయినట్టు తెలిపింది. 

ఈ యాంటీ ట్యాంక్‌ గైడెడ్‌ మిస్సైల్‌ గరిష్ఠ పరిధి 2.5 కిలోమీటర్లు. ఇది 15 కిలోల బరువు ఉంటుంది. దీన్ని ఎక్కడికైనా మోసుకెళ్లేలా ఈ మిసైల్ ను తీర్చిదిద్దారు. డైరెక్ట్ అటాక్ మోడల్ లో లక్ష్యాన్ని రీచ్ అవుతుంది. 

ఈ మ్యాన్ పోర్టబుల్ యాంటీ ట్యాంక్ గైడెడ్ మిసైల్ విజయంపై డీఆర్డీవోకు రక్షణ మంత్రి రాజ్ నాథ్ సింగ్ అభినందనలు తెలిపారు. డీఆర్డీవో ఛైర్మన్ సతీష్ రెడ్డి కూడా శాస్త్రవేత్తలను అభినందించారు. స్వదేశీ క్షిపణి శక్తి రెట్టింపు అవడం ఆనందంగా ఉందని తెలిపారు.