Viral News in Telugu: గుజరాత్‌లోని అమ్రేలిలో కుక్కలు, సింహాలు తెగ కొట్లాడుకున్నాయి. కుక్కలపై సింహాలు పంజా విసరగా...కుక్కలు సింహాలపై పడి రక్కేందుకు ప్రయత్నించాయి. ఈ దృశ్యాలు అక్కడి సీసీ కెమెరాలో రికార్డ్ అయ్యాయి. సోషల్ మీడియాలో ఈ వీడియో పోస్ట్ చేయగా వైరల్ అవుతోంది. గిర్ నేషనల్ పార్క్‌కి కొద్ది దూరంలో ఉన్న సావర్‌కుండ్లలో ఈ ఘటన జరిగింది. ఆగస్టు 11వ తేదీన అర్ధరాత్రి జరిగినట్టు సీసీటీవీ ఫుటేజ్ ఆధారంగా తెలుస్తోంది. గోశాల వద్దకు వచ్చిన సింహాలను చూసిన కుక్కలు వెంటనే అటాక్ చేశాయి. గేట్ లోపలికి రాకుండా అడ్డగించాయి. సింహాలు గేట్‌ని పగలగొట్టేందుకు ప్రయత్నించగా కుక్కలు అడ్డుకున్నాయి. అయితే...గేట్ అడ్డంగా ఉండడం వల్ల అటు కుక్కలకు కానీ, ఇటు సింహాలకు కానీ ఎలాంటి గాయాలు కాలేదు. ఈ అరుపులు విన్న ఓ వ్యక్తి బయటకు రావడాన్ని చూసిన సింహాలు అక్కడి నుంచి పారిపోయాయి. పక్కనే ఉన్న పొదల్లోకి వెళ్లిపోయాయి. ఏం జరిగిందో అని పొదల్లోకి వెళ్లి చూసి మళ్లీ లోపలికి వచ్చి గేట్‌కి లాక్ వేశాడు ఆ వ్యక్తి. అయితే...రిజర్వ్ ఫారెస్ట్ ఏరియా నుంచి తప్పించుకున్న సింహాలు ఇక్కడికి వచ్చినట్టు సమాచారం. ఇప్పటి వరకూ ఈ ఘటనపై అధికారులు ఎలాంటి ప్రకటనా చేయలేదు.
Also Read: Viral News: క్లాస్‌రూమ్‌లో బాలికపై అత్యాచారయత్నం చేసి టీచర్, కేకలు వేయడంతో పరారీ