Bihar News: ఐదేళ్ల పిల్లాడు మహా అయితే అల్లరి చేస్తాడు. లేదంటే తోటి పిల్లలతో కలిసి ఆడుకుంటాడు. కానీ బిహార్‌లో మాత్రం ఓ ఐదేళ్ల పిల్లాడు ఏకంగా మర్డర్ చేశాడు. తోటి విద్యార్థిని గన్‌తో కాల్చాడు. సుపౌల్ జిల్లాలో ఓ స్కూల్‌లో జరిగిందీ ఘటన. పోలీసులు వెల్లడించిన వివరాల ప్రకారం నర్సరీ చదువుతున్న పిల్లాడు తన స్కూల్ బ్యాగ్‌లో తుపాకీ పెట్టుకుని వెళ్లాడు. స్కూల్‌లో పదేళ్ల బాలుడిపై కాల్పులు జరిపాడు. ఈ ఘటనలో ఆ బాలుడి చేతికి తీవ్ర గాయమైంది. మూడో తరగతి చదువుతున్న బాధితుడు ప్రస్తుతానికి చికిత్స పొందుతున్నాడు. పోలీసులు బాధితుడి నుంచి వివరాలు సేకరించారు. తాను క్లాస్‌కి వెళ్తుండగా ఆ పిల్లాడు తన స్కూల్ బ్యాగ్‌లో నుంచి గన్ తీసి కాల్చాడని చెప్పాడు. తనను ఆపేందుకు ప్రయత్నించానని, ఆ సమయంలోనే బులెట్ చేయికి తగిలిందని వివరించాడు.
తనతో ఎలాంటి గొడవ జరగలేదని, ఎందుకు కాల్చాడో అర్థం కాలేదని చెప్పాడు. స్కూల్ ప్రిన్సిపల్‌ని అరెస్ట్ చేసిన పోలీసులు బ్యాగ్‌లో గన్ పెట్టుకుని వచ్చినా యాజమాన్యం పట్టించుకోకపోవడంపై ఆగ్రహం వ్యక్తం చేశారు. అంత నిర్లక్ష్యంగా ఎలా ఉన్నారనే కోణంలో విచారణ జరుపుతున్నారు. నిందితుడైన ఐదేళ్ల బాలుడితో పాటు అతని తండ్రి కోసం గాలిస్తున్నారు. ఈ ఘటనతో తల్లిదండ్రులు ఒక్కసారిగా కంగారు పడిపోయారు. స్కూల్ వద్దకు వచ్చి యాజమాన్యానికి వ్యతిరేకంగా నిరసన చేపట్టారు. ఇకపై బడికి వచ్చే ప్రతి పిల్లాడి బ్యాగ్‌ని చెక్ చేయాలని ఆదేశాలు జారీ చేసినట్టు పోలీసులు వెల్లడించారు.
Also Read: Viral Video: టీమ్‌ మీటింగ్‌లో డ్యాన్స్ చేసిన ఉద్యోగి, ఫిదా అయిపోయిన కొలీగ్స్