Arunachal Pradesh Assembly Election Results 2024: 2024 ఎన్నికల ఫలితాల్లో బీజేపీ బోణీ కొట్టింది. అరుణాచల్ ప్రదేశ్ అసెంబ్లీ ఎన్నికల్లో ఘన విజయం సాధించింది. ముచ్చటగా మూడోసారి అధికారంలోకి వచ్చింది. మొత్తం 60 అసెంబ్లీ నియోజకవర్గాలున్న హిమాచల్‌లో బీజేపీ 46 స్థానాలు గెలుచుకుంది. వీటిలో 10 సీట్లను ఏకగ్రీవమయ్యాయి. నేషనల్ పీపుల్స్ పార్టీ (NPP) 5 సీట్లు గెలుచుకోగా, Nationalist Congress Party (NCP) మూడు చోట్ల విజయం సాధించింది. ఇతరులు ఆరు చోట్ల విజయం సాధించారు.
2019 అసెంబ్లీ ఎన్నికల్లో బీజేపీ 41 స్థానాలు గెలుచుకుంది. ఈ సారి మరో 5 సీట్లను తమ ఖాతాలో వేసుకుంది. ముందే 10 సీట్లు ఏకగ్రీవం కావడం వల్ల 50 స్థానాలకు ఓట్ల లెక్కింపు జరిగింది. బీజేపీ మిత్రపక్షమైన నేషనల్ పీపుల్స్ పార్టీ 5 సీట్లు గెలుచుకోవడమూ కాషాయ పార్టీ బలాన్ని పెంచింది.
అటు సిక్కిమ్‌లో Sikkim Krantikari Morcha రెండోసారి అధికారంలోకి వచ్చింది. 32 అసెంబ్లీ నియోజకవర్గాలున్న సిక్కిమ్‌లో SKM పార్టీ 31 చోట్ల విజయం సాధించి రికార్డు సృష్టించింది. Sikkim Democratic Front కేవలం ఒక్క సీటుకే పరిమితమైంది. SDF కీలక నేత పవన్ చమ్లింగ్‌ పోటీ చేసిన రెండు చోట్లా ఓడిపోయారు. మరోసారి ముఖ్యమంత్రిగా ప్రేమ్ సింగ్ తమంగ్ ప్రమాణస్వీకారం చేయనున్నారు.