Army Vehicle Caught Fire:
జమ్ముకశ్మీర్‌లోని పూంఛ్ జిల్లాలో ఆర్మీ వాహనానికి నిప్పంటుకుంది. ఈ ప్రమాదంలో నలుగురు జవాన్లు మృతి చెందినట్టు తెలుస్తోంది. ఈ ప్రమాదానికి సంబంధించి పూర్తి వివరాలు తెలియాల్సి ఉంది. ముగ్గురు, నలుగురు జవాన్లు ప్రాణాలు కోల్పోయినట్టు ABP సోర్సెస్ ద్వారా తెలుస్తోంది. పిడుగుపాటు కారణంగా వాహనంలో మంటలు చెలరేగినట్టు ప్రాథమికంగాా అంచనా వేస్తున్నారు. గతేడాది డిసెంబర్‌లోనూ ఇండియన్ ఆర్మీ ట్రక్‌కు ఇలాంటి ప్రమాదమే జరిగింది. రాజస్థాన్‌లోని ఉదయ్‌పూర్‌కి 60 కిలోమీటర్ల దూరంలో ఆర్మీ వెహికిల్‌లో టెక్నికల్ ఫెయిల్యూర్ తలెత్తింది. ఉదయ్‌పూర్‌లోని మిలిటరీ స్టేషన్‌కు వెళ్తుండగా ఈ ప్రమాదం తలెత్తింది. అంతకు ముందు 2021లో ఆర్మీ వెహికిల్‌లో ఉన్నట్టుండి మంటలు చెలరేగి ముగ్గురు జవాన్లు ప్రాణాలు కోల్పోయారు. ఐదుగురు తీవ్రంగా గాయపడ్డారు.