Breaking News Live: ఘట్టమనేని రమేష్ బాబు కన్నుమూత

ఏపీ, తెలంగాణ రాష్ట్రాలతో పాటు దేశ వ్యాప్తంగా, అంతర్జాతీయంగా నేడు జరిగే వార్తల అప్‌డేట్స్, వివరాలు మీకోసం

08/01/2022 22:08:45

మహేష్ బాబు ఇంట్లో విషాదం... ఘట్టమనేని రమేష్ బాబు కన్నుమూత

సూపర్ స్టార్ కృష్ణ పెద్ద కుమారుడు, మహేష్ బాబు అన్న ఘట్టమనేని రమేష్ బాబు కొద్దిసేపటి క్రితం హైదరాబాద్  కన్నుమూశారు. గత కొద్దికాలంగా రమేష్ బాబు లివర్ ప్రాబ్లం తో బాధపడుతున్నారు. హైదరాబాద్ ఏఐజీ హాస్పిటల్ కి తరలిస్తుండగా ఆయన కన్నుమూశారు. 

08/01/2022 21:00:35

రణస్థలం సరాక ఫార్మా కంపెనీ కెమికల్స్ లీక్.. ఒకరి మృతి, ఐదుగురి పరిస్థితి విషమం

శ్రీకాకుళం జిల్లా రణస్థలం మండలం పైడి భీమవరం పరిధిలోని సరాక ఫార్మా కంపెనీలో  పెను ప్రమాదం జరిగింది. కంపెనీలో బ్లాక్ బి లో రేడియేటర్ లీక్ అవ్వడంతో, కెమికల్స్ లీక్ అయ్యి బ్లాక్ ఇంచార్జ్ బోగీ ప్రసాద్ రావు (45) అక్కడకక్కడే మృతి చెందారు. బ్లాక్ లో ఉన్న మిగతా ఐదుగురు పరిస్థితి విషమించడంతో, క్షతగాత్రులను చికిత్స నిమిత్తం  విజయనగరం తిరుమల హాస్పిటల్ కి తరలించారు. విషయం తెలుసుకున్న జె. ఆర్. పురం పోలీసులు సంఘటనా స్థలానికి చేరుకొని కేసు దర్యాప్తు చేస్తున్నారు

 

08/01/2022 14:10:17

దొడ్డి దారిన కాంగ్రెస్ ఎమ్మెల్యేల్ని కొని సీఎం ఐన వ్యక్తి శివరాజ్ చౌహాన్.. మంత్రి హరీశ్ రావు

శివరాజ్ సింగ్ చౌహాన్ అవాకులు చెవాక్కులు మాట్లాడారంటూ తెలంగాణ ఆర్థిక శాఖ మంత్రి హరీష్ రావు వ్యాఖ్యానించారు. వంద ఎలుకలు తిన్న పిల్లి తాను శాఖాహారి అన్నట్లు శివరాజ్ తీరు ఉందన్నారు. టీఆర్ఎస్ పార్టీని, సీఎం కేసీఆర్ ను విమర్శించే నైతిక హక్కు ఆయనకు లేదన్నారు. దొడ్డి దారిన కాంగ్రెస్ ఎమ్మెల్యేలను కొనుక్కుని‌ సీఎం అయ్యావు, నాలుగేళ్లు సీఎం అయి ఏం సాధించావని ప్రశ్నించారు. తెలంగాణతో‌ మీ రాష్ట్రం దేనికి పోలిక, ఏ రంగంలో మీ రాష్ట్రం అభివృద్ధి సాధించిందంటూ శివరాజ్ ను ఈ సందర్భంగా

08/01/2022 14:04:12

వనమా రాఘవకు 14 రోజుల జ్యూడిషియల్ కస్టడీ విధించిన మేజిస్ట్రేట్

భద్రాద్రి కొత్తగూడెం జిల్లా: పాల్వంచ కుటుంబం ఆత్మహత్య కేసులో నిందితుడు వనమా రాఘవను కొత్తగూడెం జిల్లా జుడిషియల్ ఫస్ట్ క్లాస్ మెజిస్ట్రేట్ ఎదుట పాల్వంచ పోలీసులు హాజరు పరిచారు. 14 రోజుల జ్యూడిషియల్ కస్టడీ  విధించారు. అనంతరం ఖమ్మం సబ్ జైలుకు తరలించారు.

08/01/2022 10:57:22

సత్రంలో తల్లీ కొడుకు మృతి... కృష్ణా నదిలో తండ్రీకొడుకు గల్లంతు... విజయవాడలో కలకలం...

విజయవాడలో ఓ ఫ్యామిలీ సూసైడ్‌ కలకలం రేపుతోంది. ఒకే కుటుంబానికి చెందిన నలుగురు ఆత్మహత్య చేసుకోవడం సంచలనంగా మారింది. నలుగురు కూడా వేర్వేరు ప్రాంతంలో ఆత్మహత్య చేసుకోవడంపై చాలా అనుమానాలు వ్యక్తమవుతున్నాయి. కన్యకా పరమేశ్వరి సత్రంలో తల్లీ కొడుకు విషం తాగి ఆత్మహత్య చేసుకున్నారు. కృష్ణానదిలో దూకి తండ్రీ కొడుకు గల్లంతయ్యారు. దుర్గమ్మ దర్శనానికి వచ్చి సూసైడ్ చేసుకుందీ కుటుంబం. 

వీళ్లంతా తెలంగాణ ప్రాంతానికి చెందిన వారిగా గుర్తించారు. దీనిపై విజయవాడ పోలీసులు విచారణ చేపట్టారు. కృష్ణానదిలో గల్లంతైన వారి కోసం గాలిస్తున్నారు. అసలు వీళ్లు ఎందుకు సూసైడ్ చేసుకున్నారనే కోణంలో పోలీసు విచారణ సాగుతోంది. 

08/01/2022 10:08:22

కృష్ణా జిల్లాలో రోడ్డు ప్రమాదం.. బైకులు ఢీకొనడంతో ఇద్దరు దుర్మరణం

కృష్ణా జిల్లాలో రోడ్డు ప్రమాదం జరిగింది. ముదినేపల్లి మండలంలో చెవురుపాలెం సెంటర్‌ వద్ద రెండు బైకులు ఎదురెదురుగా ఢీకొనడంతో ఇద్దరు అక్కడికక్కడే దుర్మరణం చెందగా.. మరో ముగ్గురు తీవ్రంగా గాయపడ్డారు. గాయపడ్డవారిని చికిత్స నిమిత్తం దగ్గర్లోని ఆస్పత్రికి తరలించారు. మృతులను నాగరాజు, నానిలను కలిదిండి వాసులుగా పోలీసులు గుర్తించినట్లు సమాచారం.

08/01/2022 10:05:31

తిరుమల వెంకటేశ్వర స్వామి సేవలో కరణం మల్లీశ్వరి, చాగంటి కోటేశ్వరరావు

తిరుమల శ్రీవారిని పలువురు ప్రముఖులు దర్శించుకున్నారు.. ఇవాళ ఉదయం వి.ఐ.పి‌ విరామ సమయంలో మాజీ క్రీడాకారిణి కరణం మల్లీశ్వరి, ప్రముఖ ఆధ్యాత్మిక ప్రవచనకర్త చాగంటి కోటేశ్వరరావు స్వామి వారి సేవలో పాల్గొని మొక్కులు చెల్లించుకున్నారు. వీరికి రంగనాయకుల మండపంలో వేద పండితులు వేద ఆశీర్వాదం అందించగా..ఆలయ అధికారులు పట్టు వస్త్రంతో సత్కరించి స్వామి వారి‌ తీర్ధ ప్రసాదాలు అందజేశారు.

గత రెండేళ్లుగా కరోనా కారణంగా క్రీడా పోటీలకు అంతరాయం కలిగింది.. తిరుపతి‌లో కబడ్డీ పోటీలు నిర్వహించడం చాలా ఆనందదాయకం మన్నారు కరణం మల్లీశ్వరి. వెయ్యికిపైగా క్రీడాకారులు ఈ పోటీలకు హాజరు అయినట్లు ఆమె తెలిపారు.. క్రీడలను ప్రోత్సహించే విధంగా తిరుపతిలో నిర్వహిస్తున్నారని, కరోనా లాంటి విపత్కర పరిస్ధితుల్లో క్రీడా పోటీలు నిర్వహిస్తే ప్రజల్లో నూతన ఉత్సహం నింపేందుకు వీలవుతుందన్నారు. 

08/01/2022 10:02:26

ఎమ్మెల్యే ఇంట్లో అగ్ని ప్రమాదం.. సతీమణికి గాయాలు

జగిత్యాల జిల్లా మెటుపల్లిలోని ఎమ్మెల్యే కల్వకుంట్ల విద్యాసాగర్ రావు ఇంట్లో అగ్నిప్రమాదం., ఇంట్లో పిండి వంటలు చేస్తుండగా గ్యాస్ సిలిండర్ లీకై చెలరేగిన మంటలు. ఎమ్మెల్యే సతీమణికి గాయాలు.

08/01/2022 09:01:01

తెలంగాణ - ఛత్తీస్ గఢ్ సరిహద్దులో రోడ్డు ప్రమాదం.. బోలేరో వాహనం బోల్తా

తెలంగాణ - ఛత్తీస్ గఢ్ రాష్ట్ర సరిహద్దులో ఘోర రోడ్డు ప్రమాదం జరిగింది. ములుగు జిల్లా వాజేడు మండలం బీరమయ్య గుట్ట  సమీపంలో ఘటన చోటుచేసుకుంది. తెల్లవారుజామున 50 మంది వలస కూలీలతో వెళ్తున్న బోలేరో వాహనం బోల్తా పడింది. ఒక మహిళ అక్కడికక్కడే మృతి చెందగా.. 10 మంది వలస  కూలీలకు తీవ్ర గాయాలయ్యాయి. ఇద్దరి పరిస్థితి విషమంగా ఉండగా, వరంగల్ ఎంజీఎం ఆస్పత్రికి తరలించారు. బీజాపూర్ జిల్లా పాపన్ పల్లి గ్రామానికి చెందిన  వలస కూలీలతో వాజేడు మండలం ధర్మవరం గ్రామంలో మిర్చి పనులకు బొలేరో వాహనం వెళ్తుండగా ఘటన జరిగింది.

Background

భద్రాద్రి కొత్తగూడెం జిల్లాలో పాల్వంచ కుటుంబం ఆత్మహత్య కేసులో ఆరోపణలు ఎదుర్కొంటున్న వనమా రాఘవను పోలీసులు ఎట్టకేలకు అరెస్ట్ చేశారు. గత కొన్ని రోజులుగా పోలీసులకు దొరకకుండా తప్పించుకు తిరుగుతున్న వనమా రాఘవను తెలంగాణ, ఏపీ సరిహద్దుల్లో అరెస్టు చేసినట్లు తెలుస్తోంది. శుక్రవారం రాత్రి దమ్మపేట, చింతలపూడి మధ్య పోలీసులు వనమా రాఘవేంద్రరావు(59)ను అదుపులోకి తీసుకున్నారు. అతడితో పాటు గిరీష్, మరో వ్యక్తిని పోలీసులు అరెస్ట్ చేసినట్లు సమాచారం. విపక్షాల నుంచి విమర్శలు రావడంతో టీఆర్ఎస్ పార్టీ శుక్రవారమే రాఘవను సస్పెండ్ చేసింది.

టీఆర్ఎస్ ఎమ్మెల్యే (కొత్తగూడెం) వనమా వెంకటేశ్వరరావు కుమారుడైన వనమా రాఘవ బెదిరింపుల కారణంగా పాల్వంచకు చెందిన రామకృష్ణ కుటుంబం జనవరి 3న ఆత్మహత్యకు పాల్పడింది. రామకృష్ణ కుటుంబానికి వారసత్వంగా వచ్చిన ఆస్తి పంపకాల విషయంలో కుటుంబంలో విభేదాలు తలెత్తగా ఎమ్మెల్యే కుమారుడు వనమా రాఘవ తలదూర్చాడు. హైదరాబాద్‌కు భార్యను తీసుకొచ్చి అప్పగిస్తే ఆస్తి నీకు దక్కేలా చేస్తానని వనమా రాఘవ తనను బెదిరించాడని.. ఈ అవమానాలు తట్టుకోలేక కుటుంబంతో పాటు చనిపోయాతున్నానని రామకృష్ణ సెల్ఫీ వీడియో తీసుకున్నాడు. తన భార్య, ఇద్దరు పిల్లలపై పెట్రోల్ పోసి నిప్పంటించాడు, ఆపై తాను కూడా కాల్చుకుని బలవన్మరణం చెందాడు. రామకృష్ణ సూసైడ్ సెల్ఫీ వీడియో బయటకు రావడంతో దుమారం రేపుతోంది.

హైదరాబాద్‌లో గత ఏడాది డిసెంబర్ నుంచి ఇంధన ధరలు స్థిరంగా ఉన్నాయి. డిసెంబర్ నెల మొదట్నుంచీ నేడు సైతం పెట్రోల్ ధర లీటరుకు రూ.108.20 వద్ద ఉండగా.. డీజిల్ ధర లీటరుకు రూ.94.62 వద్ద విక్రయాలు జరుగుతున్నాయి. ఇక వరంగల్‌లో పెట్రోల్, డీజిల్ ధర స్థిరంగా ఉండగా.. లీటర్ పెట్రోల్ ధర రూ.107.69 కాగా.. డీజిల్ ధర రూ.94.14 గా ఉంది. వరంగల్ రూరల్ జిల్లాలో పెట్రోల్‌ లీటర్ ధర రూ.107.92 కాగా, డీజిల్‌ లీటర్ ధర రూ.94.35గా ఉంది. కరీంనగర్ లో పెట్రోల్ ధర 46 పైసలు పెరిగింది.  నేడు పెట్రోల్ లీటర్ ధర రూ.108.57 కాగా, 43 పైసలు పెరగడంతోడీజిల్ ధర రూ.94.78 గా ఉంది. నిజామాబాద్‌లో ఇంధన ధరలు భారీగా పెరిగాయి.

ఆంధ్రప్రదేశ్‌లో ఇంధన ధరలు ఇలా..
ఇక విజయవాడలో పెట్రోల్ ధర 21 పైసలు పెరగడంతో లీటర్ ధర రూ.110.29 అయింది. 17 పైసల చొప్పున పెరగడంతో ఇక్కడ డీజిల్ ధర రూ.96.36కు చేరుకుంది. అయితే, అమరావతి ప్రాంతంలో కొద్ది రోజుల ఇంధన ధరలు గమనిస్తే స్వల్పంగా హెచ్చుతగ్గులు ఉన్నాయి. విశాఖపట్నం మార్కెట్‌లో పెట్రోల్ ధర 0.21 పైసలు పెరగడంతో లీటర్ ధర రూ.109.30 అయింది. డీజిల్ ధర 0.19 పైసలు పెరగడంతో విశాఖపట్నంలో డీజిల్ ధర లీటర్ రూ.95.41 అయింది.

తెలుగు రాష్ట్రాల్లో బంగారం ధరలు మళ్లీ దిగొస్తున్నాయి. వరుసగా రెండో రోజు బులియన్ మార్కెట్లో పసిడి ధరలు పతనమయ్యాయి. మరోవైపు వెండి ధర పడిపోయింది.  తాజాగా హైదరాబాద్‌‌లో 22 క్యారెట్లపై రూ.350 మేర తగ్గడంతో 10 గ్రాముల బంగారం ధర రూ.44,600 అయింది. 24 క్యారెట్ల స్వచ్ఛమైన బంగారం ధర ప్రస్తుతం రూ.48,650 కి క్షీణించింది. ఇక స్వచ్ఛమైన వెండి ధర రూ.900 మేర తగ్గడంతో హైదరాబాద్ మార్కెట్‌లో కిలో రూ.64,500కి పడిపోయింది.

ఏపీ మార్కెట్లో బంగారం ధర రూ.350 మేర పతనమైంది. ఇక్కడ సైతం వెండి ధరలు భారీగా దిగొచ్చాయి. విజయవాడలో 24 క్యారెట్ల బంగారం ధర రూ.48,650 అయింది.. 22 క్యారెట్ల బంగారం ధర నేడు రూ.44,600కు పడిపోయింది. ఇక విశాఖపట్నం మార్కెట్‌లో బంగారం ధర తగ్గడంతో 24 క్యారెట్ల బంగారం ధర రూ.48,650 అయింది. 22 క్యారెట్ల బంగారం ధర రూ.44,600 కు క్షీణించింది. ఏపీ, తెలంగాణలో వెండి ధరలు ఒకే రేట్లలో విక్రయాలు జరుగుతున్నాయి. 

Also Read: SBI Alert: బీ కేర్‌ఫుల్.. డాక్యుమెంట్స్ అప్‌డేట్ చేయలేదని ఎస్‌బీఐ అకౌంట్స్ బ్లాక్ చేస్తుందా.. ఈ విషయాలు తెలుసుకోండి

Also Read: Gold Silver Price Today: గుడ్ న్యూస్.. మళ్లీ తగ్గిన బంగారం ధరలు.. రూ.900 మేర దిగొచ్చిన వెండి.. లేటెస్ట్ రేట్లు ఇవీ..

Also Read: వనమా రాఘవ ఆగడాలకు అడ్డేలేదా?... ఆది నుంచి ఆరోపణల పర్వమే...!

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి