Breaking News Live Telugu Updates: మరో వినూత్న కార్యక్రమంతో టీడీపీ నిరసన- కాంతితో క్రాంతి పేరుతో రేపు ఆందోళన
Breaking News Live Telugu Updates: ఏపీ, తెలంగాణ సహా జాతీయ, అంతర్జాతీయ స్థాయిలో నేటి బ్రేకింగ్ న్యూస్ అప్డేట్స్ ఇక్కడ పొందొచ్చు. ఈ లైవ్ బ్లాగ్ అప్ డేట్ అవుతుంటుంది. తాజా సమాచారం వెంటనే పొందవచ్చు.
ABP Desam Last Updated: 06 Oct 2023 09:23 AM
Background
స్కిల్ డెవలప్మెంట్ స్కాం కేసులో మాజీ సీఎం, టీడీపీ అధినేత చంద్రబాబు అరెస్ట్ తర్వాత టీడీపీ జాతీయ ప్రధాన కార్యదర్శి నారా లోకేష్ ఢిల్లీ వెళ్లిన విషయం తెలిసిందే. దాదాపు 20 రోజులుగా హస్తినలో ఉన్న ఆయన.. గురువారం రాత్రి విజయవాడకు...More
స్కిల్ డెవలప్మెంట్ స్కాం కేసులో మాజీ సీఎం, టీడీపీ అధినేత చంద్రబాబు అరెస్ట్ తర్వాత టీడీపీ జాతీయ ప్రధాన కార్యదర్శి నారా లోకేష్ ఢిల్లీ వెళ్లిన విషయం తెలిసిందే. దాదాపు 20 రోజులుగా హస్తినలో ఉన్న ఆయన.. గురువారం రాత్రి విజయవాడకు తిరిగొచ్చారు. ఢిల్లీ నుంచి విమానంలో గన్నవరం ఎయిర్పోర్ట్కు లోకేష్ చేరుకున్నారు. లోకేష్కు టీడీపీ నేతలు, కార్యకర్తలు ఘన స్వాగతం పలికారు. కార్యకర్తలతో కరచాలనం, అభివాదం చేసిన లోకేష్.. అనంతరం ఉండవల్లిలోని తన నివాసానికి వెళ్లారు. ఈ ఉదయం రాజమండ్రికి నారా లోకేష్ చేరుకోనున్నారు. జైల్లో ఉన్న చంద్రబాబుతో ములాఖత్ కానున్నారు. సుప్రీంకోర్టులో క్వాష్ పిటిషన్పై విచారణ, రాష్ట్రంలోని రాజకీయ పరిణామాల గురించి బాబుతో చర్చించనున్నారని తెలుస్తోంది. అలాగే పార్టీ పరంగా చేపట్టాల్సి కార్యక్రమాలు, భవిష్యత్ కార్యాచరణ గురించి బాబుతో లోకేష్ మాట్లాడే అవకాశముంది. హైకోర్టు, ఏసీబీ కోర్టుల్లో చంద్రబాబు ముందస్తు బెయిల్ పిటిషన్లు, కస్టడీపై శుక్రవారానికి విచారణ వాయిదా పడింది. ఈ అంశాన్ని కూడా చంద్రబాబుకు వివరించనున్నారు. కేసుల్లో న్యాయపరంగా ఎలా ముందుకెళ్లాలనే విషయాలతో పాటు టీడీపీ-జనసేన పొత్తు పరిణామాల గురించి చంద్రబాబుతో చర్చించనున్నారు.చంద్రబాబు అరెస్ట్ తర్వాత రెండుసార్లు రాజమండ్రి సెంట్రల్ జైల్లో లోకేష్ ములాఖత్ అయ్యారు. ఆ తర్వాత చంద్రబాబు కేసుపై సుప్రీంకోర్టులో న్యాయపోరాటం చేసేందుకు, అక్కడ న్యాయవాదులతో సంప్రదింపులు జరిపేందుకు గత నెల 14న లోకేష్ ఢిల్లీకి బయల్దేరారు. ఆ తర్వాత ఇవాళ విజయవాడకు చేరుకోగా.. రేపు మరోసారి జైల్లో బాబును కలవనున్నారు. లోకేష్తో పాటు కుటుంబసభ్యులు కూడా చంద్రబాబును కలవనున్నారు. బాబుతో భేటీ అనంతరం లోకేష్ మీడియాతో మాట్లాడే అవకాశముంది. రేపు రాజమండ్రికి లోకేష్ వస్తుండటంతో భారీగా శ్రేణులు కూడా చేరుకుంటున్నారు. యుఎస్ బాండ్ ఈల్డ్స్ మెత్తబడడం, ముడి చమురు ధరలు ఇటీవలి గరిష్టాల నుంచి తగ్గడంతో ప్రపంచ సూచీలలో స్థిరత్వం కనిపించింది. వరుస పతనం తర్వాత ఇండియన్ మార్కెట్లు రికవరీని చూశాయి. ఈ రోజు ప్రకటించబోయే ఆర్బీఐ పాలసీ ఫలితాలను మార్కెట్ నిశితంగా గమనిస్తుంది.US స్టాక్స్ డౌన్ఈ రోజు విడుదలయ్యే నెలవారీ ఉద్యోగాల నివేదిక, వడ్డీ రేట్ల ఔట్లుక్పై స్పష్టమైన సంకేతాల కోసం పెట్టుబడిదార్లు ఎదురుచూస్తుండండతో US స్టాక్స్ గురువారం కనిష్ట స్థాయుల నుంచి బౌన్స్ బ్యాక్ అయ్యాయి, ఆ తర్వాత కొద్ది పడిపోయాయి.పెరిగిన ఆసియా షేర్లువాల్ స్ట్రీట్ స్టాక్స్ ర్యాలీ చేయడంతో ఆసియాలో షేర్లు పెరిగాయి, వరుస నష్టాల తర్వాత మార్కెట్లకు కొంత ఉపశమనం లభించింది. ట్రేడర్ల దృష్టి ఈ రోజు విడుదలయ్యే US జాబ్ డేటాపై ఉంటుంది.ఇవాళ ఉదయం 8.05 గంటల సమయానికి గిఫ్ట్ నిఫ్టీ (GIFT NIFTY) 5.5 పాయింట్లు లేదా 0.03 శాతం గ్రీన్ కలర్లో 19,610 వద్ద ట్రేడవుతోంది. ప్రస్తుత పరిస్థితిని బట్టి, మన స్టాక్ మార్కెట్ ఇవాళ పాజిటివ్గా ప్రారంభం అవుతుందని GIFT NIFTY సూచిస్తోంది. ఇవాళ్టి ట్రేడ్లో చూడాల్సిన స్టాక్స్ ఇవి: బజాజ్ ఫైనాన్స్: క్వాలిఫైడ్ ఇన్స్టిట్యూషనల్ ప్లేస్మెంట్ & కన్వర్టబుల్ వారెంట్ల ద్వారా రూ. 10,000 కోట్ల వరకు సమీకరించడానికి బజాజ్ ఫైనాన్స్ బోర్డు ఆమోదం తెలిపింది.అదానీ విల్మార్: ప్యాక్ చేసిన ఆహారాల్లో భారీ అవకాశాలను అందుకుని అమలు చేయడంతో, 2023 సెప్టెంబర్ త్రైమాసికంలో అదానీ విల్మార్ 11% (YoY) రెండంకెల వాల్యూమ్ వృద్ధిని రిపోర్ట్ చేసింది.వాలియంట్ ల్యాబ్స్: వాలియంట్ ల్యాబ్స్ షేర్లు ఈ రోజు స్టాక్ ఎక్స్ఛేంజీలలో లిస్ట్ అవుతాయి. ఈ స్టాక్ 15-16% ప్రీమియంతో లిస్ట్ అవుతుందని అంచనా.టాటా మోటార్స్: FY24 రెండో త్రైమాసికంలో దాదాపు 300 మిలియన్ పౌండ్ల పాజిటివ్ ఫ్రీ క్యాష్ ఫ్లోను ఆశిస్తున్నట్లు టాటా మోటార్స్ ఆర్మ్ JLR తెలిపింది. Q2లో, సరఫరాల్లో మెరుగుదల కారణంగా అమ్మకాల్లో పెరుగుదలను ఈ కంపెనీ నివేదించింది. ఖాతాదార్లకు మరిన్ని వాహనాలను అందించడానికి ఇప్పుడు JLRకు అవకాశం దక్కింది.స్టేట్ బ్యాంక్: కేంద్ర ప్రభుత్వం SBI చైర్మన్ దినేష్ ఖరా పదవీకాలాన్ని ఆగస్టు 2024 వరకు పొడిగించింది.గోద్రెజ్ కన్జ్యూమర్: Q2 FY24లో బలహీనమైన, ప్రతికూల వాతావరణ పరిస్థితులను చూశామని గోద్రెజ్ కన్స్యూమర్ ప్రకటించింది. అయినప్పటికీ, వ్యాపారంలో మిడిల్-సింగిల్-డిజిట్ వాల్యూమ్ వృద్ధితో స్థిరమైన పనితీరును కనబరిచింది.లుపిన్: టోల్వాప్టాన్ టాబ్లెట్ల కోసం లూపిన్ పెట్టుకున్న న్యూ డ్రగ్ అప్లికేషన్కు US FDA నుంచి తాత్కాలిక ఆమోదం లభించింది.ఇండిగో: పెరుగుతున్న ATF ధరల భారాన్ని తగ్గించుకోవడానికి ఇంధన ఛార్జీలను ఇండిగో ప్రవేశపెట్టింది. దేశీయ, అంతర్జాతీయ మార్గాల్లో ఇంధన ఛార్జీలు ఈ రోజు నుంచి అమలులోకి వస్తాయి.PB ఫిన్టెక్: సాఫ్ట్బ్యాంక్ ఈ రోజు బ్లాక్ డీల్స్ ద్వారా PB ఫిన్టెక్లో కొంత వాటాను విక్రయించే అవకాశం ఉంది.సన్ ఫార్మా: EzeRxలో 37.76% ఈక్విటీ షేర్హోల్డింగ్ను కొనుగోలు చేయడానికి సన్ ఫార్మా ఒప్పందం చేసుకుంది.
ఆసియా క్రీడల్లో ఫైనల్కు చేరిన భారత్ క్రికెట్ జట్టు
ఆసియా క్రీడల్లో భారత్ క్రికెట్ జట్టు ఫైనల్కు చేరింది. బంగ్లాదేశ్తో జరిగిన మ్యాచ్లో సునాయాసమైన విజయం సాధించి ఫైనల్ బెర్త్ ఖరారు చేసుకుంది. బంగ్లాదేశ్తో జరిగిన మ్యాచ్లో 97 పరుగుల లక్ష్యాన్ని కేవలం 9.2 ఓవర్లలోనే ఛేదించి ఫైనల్కు చేరింది. ఈ క్రమంలో ఒక్క వికెట్ కోల్పోయింది. తిలక్ వర్మ 55 పరుగులతో నాటౌట్గా నిలిచాడు. గైక్వాడ్ 40 పరుగులు చేశాడు. ఈ మ్యాచ్లో ముందు బ్యాటింగ్ చేసిన బంగ్లాదేశ్ 9 వికెట్లు కోల్పోయి 96 పరుగులు మాత్రమే చేసింది.