Breaking News Live Telugu Updates: పరేడ్ గ్రౌండ్‌లో జరుగుతున్న తెలంగాణ విమోచన దినోత్సవంలో పాల్గొన్న కేంద్ర హోంమంత్రి అమిత్ షా
Breaking News Live Telugu Updates: ఏపీ, తెలంగాణ సహా జాతీయ, అంతర్జాతీయ స్థాయిలో నేటి బ్రేకింగ్ న్యూస్ అప్‌డేట్స్ ఇక్కడ పొందొచ్చు. ఈ లైవ్ బ్లాగ్ అప్ డేట్ అవుతుంటుంది. తాజా సమాచారం వెంటనే పొందవచ్చు
తెలంగాణ చరిత్రను 75 ఏళ్లపాటు వక్రీకరించారు: అమిత్‌షా
మోదీ ప్రధాని అయ్యాక ఆ పొరపాటులను సరిచేస్తున్నారు: అమిత్‌షా
9ఏళ్ల మోదీ పాలనలో దేశం ఎంతో ప్రగతి సాధించింది. : అమిత్‌షా
మోదీ పుట్టిన రోజు సందర్భంగా ఇవాళ సేవాదివాస్‌గా జరుపుకుంటున్నాం: అమిత్‌షా
సర్దార్‌పటేల్‌ లేకుంటే తెలంగాణ విముక్తి సాధ్యమయ్యేది కాదు : అమిత్‌షా
పటేల్‌, కేఎం మున్షీ వల్లే నిజాం పాలన అంతం : అమిత్‌షా
రజాకార్లపై పోరాడిన వీరులకు నివాళి: అమిత్‌షా
తెలంగాణ విమోచన దినోత్సవ శుభాకాంక్షలు: అమిత్‌షా
హైదరాబాద్‌కు ఇవాళ విముక్తి లభించింది: అమిత్‌షా
దేశానికి స్వాతంత్య్రం వచ్చినా తెలంగాణకు స్వాతంత్య్రం రావడానికి లక్షల మంది పోరాటం చేశారన్నారు బీజేపీ తెలంగాణ అధ్యక్షుడు కిషన్ రెడ్డి. వేల మంది బలయ్యారు. భారత సైన్యం కూడా నిజాం సైన్యంతో పోరాటం చేసి ఓడించి మూడు రంగుల జెండా ఎగరేశారు. నిజాం సర్కారు రైతులు, ప్రజలపై అకృత్యాలు చేశారు. నగ్నంగా బతుకమ్మ ఆడించారు. అనేక రకాలుగా దోపిడీ చేశారు. అందుకే ప్రతీ గ్రామంలో ప్రజలు తెగించి పోరాడారు. ఇన్నేళ్లు ఈ చరిత్రను తొక్కిపెట్టారు. ఈ దేశాన్ని, రాష్ట్రాన్ని పాలించిన వారు సెప్టెంబర్ 17 ను తెలియకుండా చేశారు. ఇదే రోజు అప్పటలో వల్లభాయ్‌ పటేల్‌ తిరంగా పతాకాన్ని ఆవిష్కరించారు. ఇప్పుడు అమిత్‌షా ఆ పని చేస్తున్నారు. విమోచన దినోత్సవాన్ని నిర్వహిస్తున్నారు. త్యాగాలను దాచిపెట్టారు. 75 ఏళ్లుగా హైదరాబాద్ లిబరేషన్‌ను వేడుకలు జరపకుండా నిర్లక్ష్యం చేశారు.
ఇప్పుడు కూడా మోసం చేస్తున్నారు. ఇప్పుడు పాలకులు అంటున్నట్టు ఇది సమైక్య దినం ఎలా అవుతుంది. పోరాటాలతో తెచ్చుకున్న తెలంగాణ సమైక్యత దినం ఎలా అవుతుందని ప్రశ్నించారు.
పరేడ్ గ్రౌండ్‌లో జరుగుతున్న హైదరాబాద్ విమోచన దిన వేడుకల్లో కేంద్రమంత్రి అమిత్‌షా పాల్గొన్నారు. తెలంగాణ సాయుధ పోరాట వీరులకు అమిత్ షా నివాళులు అర్పించారు. పారామిలటరీ బలగాల గౌరవవందనం స్వీకరించారు.
హైదరాబాద్‌లోని సనత్ నగర్ లో దారుణం జరిగింది. ఈ ఎస్ ఐ ఆసుపత్రిలో యువతిపై లిఫ్ట్‌ ఆపరేటర్‌ అత్యాచారం చేశాడు. భవనం పై అంతస్తు తీసుకెళ్ళి నోట్లో గుడ్డలు కుక్కి దారుణానికి ఒడిగట్టాడు. డైట్ సెక్షన్‌లో దుర్ఘటన జరిగింది. యువతి ఫిర్యాదు మేరకు కేసు నమోదు చేసుకుని నిందితున్ని అదుపులోకి తీసుకున్నారు పోలీసులు.
Background
ప్రముఖ బ్యాడ్మింటన్ క్రీడాకారిణి పీవీ సింధు కేంద్ర మంత్రి అమిత్ షాను కలిశారు. సంపర్క్ సే సంవర్ధన్లో భాగంగా బ్యాండ్మిటన్ క్రీడాకారిణి పీవీ సింధులో అమిత్ షా, కిషన్ రెడ్డి సమావేశం అయ్యారు. పీవీ సింధుతో భేటీ అనంతరం అమిత్ షా స్పందించారు. సింధు అద్భుతమైన క్రీడాకారిణి. ఆమె అసాధారణమైన ప్రతిభతో అంతర్జాతీయ స్థాయిలో దేశం గర్వించేలా చేసిందన్నారు. ఆట పట్ల ఆమె నిబద్ధత, చేసిన కృషి, అంకితభావం యువతకు స్ఫూర్తిగా నిలుస్తుందని కేంద్ర హోం మంత్రి అమిత్ ట్వీట్ చేశారు.
అంతకుముందు కేంద్ర హోం శాఖ మంత్రి అమిత్ షా హైదరాబాద్ చేరుకున్నారు. శంషాబాద్‌ విమానాశ్రయంలో అమిత్ షాకు రాష్ట్ర బీజేపీ నేతలు స్వాగతం పలికారు. ఈ ఉదయం 9 గంటలకు పరేడ్‌గ్రౌండ్‌లో.. కేంద్ర ప్రభుత్వం ఆధ్వర్యంలో నిర్వహించే విమోచన దినోత్సవంలో అమిత్ షా పాల్గొంటారు. అనంతరం మధ్యాహ్నం తిరిగి అమిత్ షా దిల్లీకి వెళ్లనున్నారు. రాష్ట్ర బీజేపీ అధ్యక్షుడు, కేంద్ర మంత్రి కిషన్రెడ్డి, ఎంపీ బండి సంజయ్‌, ఈటల తదితర నాయకులతో అమిత్ షా సమావేశం కానున్నారు. అసెంబ్లీ ఎన్నికలపై నేతలకు దిశానిర్దేశం చేయనున్నారు.
మరోవైపు సికింద్రాబాద్‌ పరేడ్ మైదానంలో ఏర్పాట్లను కేంద్రమంత్రి, బీజేపీ రాష్ట్ర అధ్యక్షుడు కిషన్రెడ్డి పరిశీలించారు. తెలంగాణ విమోచన దినోత్సవాన్ని సమైక్యత దినంగా పాటించాలని కేసీఆర్‌ చెప్పడం.. హాస్యాస్పదమని కిషన్ రెడ్డి విమర్శించారు. విమోచన దినోత్సవాన్ని బీజేపీ సభగా హైదరాబాద్ పోలీసులు సర్కులర్‌ ఇవ్వడంపై ఆగ్రహం వ్యక్తం చేశారు. తప్పుడు సర్క్యులర్‌ ఇవ్వడంపై క్షమాపణ చెప్పాలని కిషన్రెడ్డి డిమాండ్‌ చేశారు.
ఈ ఏడాది చివర్లో తెలంగాణ అసెంబ్లీ ఎన్నికలు జరిగే అవకాశాలు ఉన్నాయ్. ఎన్నికలకు మరో రెండు నెలలే సమయం మాత్రమే ఉండటంతో... రాజకీయ వాతావరణం వేడెక్కుతోంది. సెప్టెంబరు 17 లక్ష్యంగా అన్ని రాజకీయ పార్టీలు బల ప్రదర్శనకు సిద్ధమయ్యాయి. బీఆర్ఎస్, కాంగ్రెస్, బీజేపీ, ఎంఐఎం అన్ని ప్రధాన పార్టీలు ర్యాలీలు, బహిరంగ సభలు, జాతీయ జెండాల ఆవిష్కరణ వంటి కార్యక్రమాలు చేయబోతున్నాయి. తెలంగాణలో ఏటా సెప్టెంబర్ 17పై వివాదం సాధారణంగా మారుతోంది. గతేడాది మునుగోడు ఉపఎన్నికల తరుణంలో సెప్టెంబర్ 17పై విస్తృత చర్చ జరిగింది. స్వయంగా కేంద్రం రంగంలోకి దిగి విమోచన దినోత్సవం జరుపుతోంది. కౌంటర్‌గా టీఆర్ఎస్ కూడా జాతీయ సమైక్యత దినం జరుపుతోంది. నిజానికి తెలంగాణ ఏర్పాటైన దగ్గర్నుంచీ సెప్టెంబర్ 17ను ఒక్కో పార్టీ ఒక్కో పేరుతో జరుపుతూ వచ్చాయి. అయితే ప్రభుత్వం మాత్రం అధికారికంగా నిర్వహించలేదు. ఏటా సెప్టెంబర్ 17 వచ్చినప్పుడల్లా.. విలీనమా, విమోచనా.. విద్రోహమా అనే చర్చ జరుగుతూనే ఉంది. సెప్టెంబర్ 17న జాతీయ సమైక్యత దినంగా జరుపుతున్నట్టు స్పష్టం చేసింది.
సెప్టెంబర్ 17కు స్వతంత్ర భారత దేశ చరిత్రలో ఓ ప్రత్యేక స్థానం ఉంది. 1948లో ఇదే రోజున హైదరాబాద్ సంస్థానం భారతదేశంలో కలిసింది. ఆపరేషన్ పోలోలో భాగంగా సైనిక చర్యతో నిజాం మీర్ ఉస్మాన్ అలీ ఖాన్‌ను గద్దె దించి, హైదరాబాద్ రాష్ట్రాన్ని భారత్‌లో విలీనం చేస్తున్నట్లు అప్పటి కేంద్ర ప్రభుత్వం ప్రకటించింది. ఆ రోజుని కొందరు విమోచనం అంటారు. మరికొందరు విలీనం అంటున్నారు. ఇంకొందరు విద్రోహం అని పిలుస్తున్నారు
- - - - - - - - - Advertisement - - - - - - - - -