Mukesh Ambani house Antilia menu: కుబేరుడు ముకేష్ అంబానీ నివాసం యాంటిలియా అంటేనే ఒక అద్భుతం. 27 అంతస్తులు, అత్యాధునిక సౌకర్యాలు, వందలాది మంది సిబ్బంది.. ఇలా ఆ ఇంటి గురించి ఏ వార్త వచ్చినా అది సోషల్ మీడియాలో హాట్ టాపిక్ అవుతుంది. తాజాగా యాంటిలియా వంటగదిలో రోజుకు 4,000 చపాతీలు తయారవుతాయనే వార్త వైరల్ అయింది. అన్ని చపాతీలు ఎందుకన్నది చాలా మందికి వచ్చే సందేహం.
ఎందుకు అన్ని రొట్టెలు?
ముకేష్ అంబానీ ఇంట్లో రోజుకు 4,000 రొట్టెలు తయారవుతాయన్నది నిజం. అయితే, ఇవన్నీ కేవలం అంబానీ కుటుంబం కోసం మాత్రమే కాదు. యాంటిలియా నిర్వహణ కోసం దాదాపు 600 మంది సిబ్బంది పనిచేస్తారు. వీరిలో సెక్యూరిటీ గార్డులు, డ్రైవర్లు, క్లీనర్లు, వంటవారు, ఇతర సాంకేతిక సిబ్బంది ఉంటారు. వీరందరికీ యాంటిలియా వంటగదిలోనే పోషకాహారంతో కూడిన భోజనం సిద్ధమవుతుంది. ప్రతి సిబ్బందికి నాణ్యమైన ఆహారం అందాలనే ఉద్దేశంతోనే ఇంత భారీ స్థాయిలో రొట్టెలు వండుతారు.
షెఫ్ జీతం లక్షల్లోనే..
ఇంత భారీ మొత్తంలో ఆహారాన్ని నాణ్యత తగ్గకుండా తయారు చేయడం సామాన్యమైన విషయం కాదు. అందుకే ఇక్కడ పనిచేసే షెఫ్ లకు భారీగా జీతాలు ఇస్తారు. సమాచారం ప్రకారం, యాంటిలియాలో పనిచేసే ప్రధాన షెఫ్ జీతం నెలకు 2 లక్షల వరకు ఉంటుందని తెలుస్తోంది. కేవలం జీతమే కాకుండా, వీరికి ఇన్సూరెన్స్ , ఇతర సౌకర్యాలు కూడా కల్పిస్తారు. ఆధునిక చపాతీ మేకింగ్ మెషీన్స్ ఉన్నప్పటికీ, రుచి, ఆకృతి సరిగ్గా ఉండేలా ఈ నిపుణులైన షెఫ్ లు పర్యవేక్షిస్తారు.
ముకేష్ అంబానీ సింపుల్ డైట్*
ప్రపంచ కుబేరుల్లో ఒకరైనప్పటికీ, ముకేష్ అంబానీ ఆహారపు అలవాట్లు మాత్రం చాలా సాదాసీదాగా ఉంటాయి. ఆయన పూర్తి శాఖాహారి. ఎప్పుడూ ఇంటి భోజనానికే ప్రాధాన్యత ఇస్తారు. ఉదయం బొప్పాయి జ్యూస్, ఇడ్లీ-సాంబార్ వంటి తేలికపాటి దక్షిణాది వంటకాలు తీసుకుంటారు. మధ్యాహ్నం గుజరాతీ స్టైల్ పప్పు , అన్నం, కూరలు, రొట్టె , సలాడ్ తీసుకుంటారు. రాత్రి చాలా తక్కువగా అంటే రాగి లేదా మిల్లెట్ రొట్టెలు, కూరలు తీసుకుంటారు.
నీతా అంబానీ ఫిట్నెస్ రహస్యం
నీతా అంబానీ తన ఆరోగ్యం మరియు ఫిట్నెస్ విషయంలో చాలా కఠినంగా ఉంటారు. ఆమె ఉదయాన్నే డ్రై ఫ్రూట్స్, తాజా పండ్ల రసాలను తీసుకుంటారు. జంక్ ఫుడ్కు ఈ కుటుంబం చాలా దూరంగా ఉంటుంది. రిపోర్ట్స్ ప్రకారం, వీరు నెలకు ఒక్కసారి మాత్రమే బయటి ఫుడ్ లేదా జంక్ ఫుడ్ తింటారు. వారానికి ఒకసారి మాత్రం ముకేష్ అంబానీకి ఇష్టమైన సేవ్ పూరీ ఇంట్లోనే తయారు చేయించుకుని తింటారు.
వంటగదిలో కట్టుదిట్టమైన నాణ్యత
యాంటిలియా కిచెన్ ఒక సెవెన్ స్టార్ హోటల్ స్థాయిని మించి ఉంటుంది. కూరగాయల ఎంపిక నుండి భోజనం వడ్డించే వరకు ప్రతి దశలోనూ అత్యంత శుభ్రత పాటిస్తారు. ఆహారంలో పోషక విలువలు తగ్గకుండా డైటీషియన్ల సలహాల మేరకు మెనూ రూపకల్పన జరుగుతుంది. సాత్విక ఆహారం, ఇంటి వంటలకే మొగ్గు చూపడం వల్ల అంబానీ కుటుంబం ఇన్ని ఏళ్లుగా ఆరోగ్యంగా, ఉత్సాహంగా ఉంటున్నారని అనుకోవచ్చు.