Accident in Gujarat: గుజరాత్‌లో ఘోర రోడ్డు ప్రమాదం జరిగింది. అహ్మదాబాద్‌ వడోదర్ ఎక్స్‌ప్రెస్‌వేపై కారు, ఆయిల్ ట్యాంకర్ ఢీకొట్టుకున్నాయి. ఈ ఘటనలో 10 మంది ప్రాణాలు కోల్పోయారు. కార్ అదుపు తప్పి ట్యాంకర్‌ని ఢీకొట్టడం వల్ల ఈ ప్రమాదం జరిగింది. కార్‌లో ఉన్న 10 మంది  మృతి చెందారు. సమాచారం అందుకున్న వెంటనే ఘటనా స్థలానికి రెండు ఆంబులెన్స్‌లు వెళ్లాయి. మృతదేహాల్ని హాస్పిటల్‌కి తరలించారు. 8 మంది అక్కడికక్కడే చనిపోగా మిగతా ఇద్దరూ హాస్పిటల్‌లో చికిత్స పొందుతూ మృతి చెందారు. ఈ ప్రమాదంతో ఎక్స్‌ప్రెస్‌వేపై ట్రాఫిక్ నిలిచిపోయింది. ప్రమాదం ఎందుకు జరిగిందన్న కోణంలో పోలీసులు విచారణ చేపడుతున్నారు.