Dating Phone Apps : ఆన్లైన్ డేటింగ్ కల్చర్ రోజురోజుకి పెరిగిపోతుంది. ఈ నేపథ్యంలోనే ప్లే స్టోర్లో డేటింగ్ యాప్స్ పుట్టగొడుగుల్లా పుట్టుకొస్తున్నాయి. కొందరు ఈ డేటింగ్ యాప్స్ డౌన్లోడ్ చేసి.. తమ వ్యక్తిగత సమాచారాన్ని కోల్పోతున్నారు. మరికొందరు యువతల పేరుతో.. స్కామ్ చేస్తూ.. బ్యాంక్ ఖాతాలను, ఫోన్లను హ్యాక్ చేస్తున్నారు. అయితే మీరు ఇలాంటి స్కామర్ల బారిన పడకూడదంటే.. డేటింగ్ యాప్స్ ఉపయోగించే ముందు, ఉపయోగించేప్పుడు కొన్ని టిప్స్ ఫాలో అవ్వాలి అంటున్నారు.
వ్యక్తులతో కనెక్ట్ కావడానికి డేటింగ్ యాప్స్ బాగా ప్రాచుర్యం పొందాయి. తెలియనివారితో కనెక్ట్ కావడానికి ఇవి అనుకూలమైన మర్గాన్ని ఇస్తున్నాయి. రెగ్యూలర్ డేటింగ్స్ మాదిరిగా కాకుండా.. ఆన్లైన్లో డేటింగ్ చేసేప్పుడు జాగ్రత్తగా ఉండాలి. లేదంటే మీ వ్యక్తిగత సమాచారం ఇతరులకు చేరిపోతుంది. అందుకే ఆన్లైన్లో డేటింగ్ యాప్స్ని ఉపయోగించేప్పుడు జాగ్రత్తగా ఉండాలి. అందుకు కొన్ని టిప్స్ ఫాలో అవ్వాలి.
పాపులర్ డేటింగ్ యాప్స్ని ఎంచుకోండి..
డేటింగ్ వెబ్సైట్ లేదా యాప్ను ఎంచుకునేప్పుడు.. బాగా పేరున్న(Best Dating Apps) వాటిని ఎంచుకుంటే మంచిది. ఈ ప్లాట్ఫారమ్లు ఇతరుల ధృవీకరణ, గుర్తింపు, ప్రొఫైల్ల నియంత్రణ వంటి బలమైన భద్రతా చర్యలను కలిగి ఉంటాయి. డేటింగ్ యాప్ను సైన్ అప్ చేసే ముందు ప్లాట్ఫారమ్ గురించి పూర్తిగా తెలుసుకోండి. సేఫ్ అండ్ సెక్యూర్డ్గా ఉంటేనే వాటిని డౌన్లోడ్ చేసుకోవాలి.
వ్యక్తిగత సమాచారంతో జరభద్రం
డేటింగ్ యాప్లో కలిసిన ఎవరినైనా మీట్ అయితే.. మీరు వారితో పూర్తి వివరాలు చెప్పకపోవడమే మంచిది. మీ పూర్తి పేరు, చిరునామా, ఫోన్ నంబర్ లేదా వర్క్ ప్లేస్ వంటి వ్యక్తిగత సమాచారాన్ని షేర్ చేయకుండా జాగ్రత్తగా ఉండండి. లిమిటెడ్ ఇన్ఫర్మేషన్ ఇవ్వడమే మంచిది. తర్వతా వ్యక్తిపై నమ్మకం పెరిగినప్పుడు డిటైల్స్ ఇవ్వొచ్చు. వ్యక్తిగత వివరాలు వినియోగదారులకు అందించని యాప్స్ ఎంచుకుంటే మంచిది.
అవి రెడ్ ఫ్లాగ్స్..
ఏదైనా తప్పుగా అనిపించినా.. గట్ ఫీలింగ్స్ని నమ్మండి. మితిమీరిన దూకుడు ప్రవర్తన లేదా డబ్బుల కోసం అభ్యర్థిస్తుంటే జాగ్రత్త. ఏదైనా సమాచారం అస్థిరంగా చెప్తే మరింత జాగ్రత్త. వారు రెడ్ ఫ్లాగ్స్ అని గుర్తు పెట్టుకోండి. మీకు అసౌకర్యంగా, అసురక్షితంగా అనిపిస్తే కమ్యూనికేషన్ని ముగించి.. బ్లాక్ చేయడానికి వెనుకాడకండి.
బహిరంగ ప్రదేశాలే బెటర్
మీరు ఎవరినైనా వ్యక్తిగతంగా కలవాలి అనుకున్నప్పుడు బహిరంగ ప్రదేశాలు ఎంచుకోండి. రెస్టారెంట్లు, కాఫీ షాప్లు లేదా ఇతర వ్యక్తులు ఉండే పబ్లిక్ వేదికలకు వెళ్తే మంచిది. మీరు ఎక్కడకి వెళ్తున్నారో.. ఎవరిని కలుస్తున్నారో కనీసం ఒక్కరితోనైనా షేర్ చేసుకోండి. మీ లోకేషన్ను వారికి షేర్ చేయండి.
హుందాగా ఉంటూనే..
మీ డేట్ సమయంలో అప్రమత్తంగా ఉండడం చాలా అవసరం. ఆల్కహాల్ లేదా ఇతర మత్తుపదార్థాలు తీసుకోవడం మానేయండి. ఇవి మీరు హుందాగా ఉంటూనే.. అవతలి వ్యక్తికి ఎలాంటి అడ్వాంటేజ్ ఇవ్వకుండా చేస్తుంది. లేదంటే మీరు ఏమాత్రం ఛాన్స్ ఇచ్చిన అవతలి వారికి అది అడ్వాంటేజ్ ఇచ్చినట్లు అవుతుంది. తర్వాత మీరే రిగ్రేట్ అవ్వాలి.
వారికి డబ్బు కావాలి.. ప్రేమ కాదు..
ఆన్లైన్లో రొమాన్స్ పేరుతో స్కామర్లు డబ్బులు వసూలు చేయడం రోజురోజుకు పెరుగుతుంది. ఈ తరహా కంప్లైయిట్లు చాలా వస్తున్నాయి. అమ్మాయిపేరుతో.. ఎమర్జెన్సీ అంటూ.. డబ్బులు వసూలు చేస్తూ ఉంటారు. కొన్నిసార్లు ఎకౌంట్ డిటైల్స్ సంపాదించి.. మీ ఖాతాను హ్యాక్ చేసే ప్రమాదం కూడా ఎక్కువైతుంది. మహిళల రూపంలో మీతో సన్నిహితంగా ఉంటూనే.. మీ జేబును ఖాళీ చేస్తారు. కాబట్టి ఈ విషయంలో కచ్చితంగా జాగ్రత్తగా ఉండాలి అంటున్నారు నిపుణులు.
Also Read : టీనేజ్లో ప్రెగ్నెంట్ అయితే అకాల మరణం తప్పదంటున్న న్యూ స్టడీ.. పెరుగుతున్న మరణాల రేటు