స్కిన్ క్యాన్సర్ తర్వాత మహిళలు ఎదుర్కొంటున్న మరొక సమస్య రొమ్ము క్యాన్సర్. బ్రెస్ట్ క్యాన్సర్ ఇండియా నివేదిక ప్రకారం భారతదేశంలో ప్రతి 4 నిమిషాలకు ఒక మహిళా రొమ్ము క్యాన్సర్ బారిన పడుతుంటే ప్రతి 8 నిమిషాలకి ఒక మహిళ రొమ్ము క్యాన్సర్ బారిన పడి మరణిస్తుంది. జన్యుపరంగా, వంశపారపర్యంగా, ఊబకాయం వంటి కారణాల వల్ల క్యాన్సర్ వచ్చే అవకాశం ఉంది. మారుతున్న జీవనశైలి ఆహారపు అలవాట్లు కారణంగా మహిళలు ర్పమము క్యాన్సర్ బారిన పడుతున్నారు. మనం తినే కొన్ని ఆహార పదార్థాల వల్ల 20% క్యాన్సర్ పెరిగే అవకాశం ఉన్నట్లు ఇటీవల చేసిన పరిశోధనలు చెబుతున్నాయి.
ఫ్రెంచ్ మెడిక్స్ నివేదిక ప్రకారం అనారోగ్యకరమైన ఆహారం తీసుకున్న వారిలో 20% ఎక్కువగా రొమ్ము క్యాన్సర్ బారిన పడుతున్నట్లు తేలింది. తృణధాన్యాలు, సీజనల్ వారీగా వచ్చే పండ్లు, కూరగాయలు, ఆకుకూరలు తింటున్న వారిలో రొమ్ము క్యాన్సర్ రిస్క్ తక్కువగా ఉంటుంది. అదే విధంగా బాగా శుద్ధి చేసిన ధాన్యాలు, వైట్ రైస్, బ్రెడ్ వంటి ఆహారపదార్థాలు అనారోగ్యకరమైన ఆహారం తినడం వల్ల ఈ క్యాన్సర్ ప్రమాదం ఎక్కువగా ఉంటుంది. రెండు దశబ్ధాల పాటు 65 వేల మంది మహిళల మీద చేసిన పరిశోధన ఆధారంగా ఆరోగ్యకరమైన ఆహారాన్ని తీసుకున్న వారిలో 14 % రొమ్ము క్యాన్సర్ బారిన పడే ప్రమాదం తక్కువగా ఉంటుంది.
కొన్ని రకాల కార్బో హైడ్రేట్స్ తగ్గించి తీసుకోవడం వల్ల క్యాన్సర్ ని నిరోధించవచ్చని పోషకాహార నిపుణులు చెబుతున్నారు. బంగాళాదుంపలు, చక్కెర అధికంగా ఉండే పానీయాలు, పండ్ల రసాలు వంటి వాటిని తగ్గించడం మేలని అంటున్నారు. శరీరంలో కార్బో హైడ్రేట్స్ ముఖ్య పాత్ర పోషిస్తాయి. శక్తిని ఇవ్వడంతో పాటు జీర్ణక్రియని మెరుగు పరచడం, గుండె, మధుమేహాన్ని నియంత్రించడంలో కొన్ని కార్బో హైడ్రేట్స్ కీలక పాత్ర పోషిస్తాయి. కార్బో హైడ్రేట్స్ మూడు రకాలుగా ఉంటాయి. చక్కెర, పిండి పదార్థాలు, ఫైబర్. చక్కెరలను సాధారణ కార్బోహైడ్రేట్‌లు అని పిలుస్తారు. ఇవి మిఠాయి, డెజర్ట్‌లు, ప్రాసెస్ చేసిన ఆహారాలు మరియు సాధారణ సోడా వంటి వాటిలో ఎక్కువగా ఉపయోగిస్తారు. ఇవి అనారోగ్యానికి ఎక్కువగా దారి తీస్తాయి. మిఠాయిలు, ప్రొసెస్ చేసిన ఆహార వినియోగం వీలైనంత తగ్గించాలి. పిండి పదార్థాలు ఎక్కువగా తీసుకోవాలి. వీటితో పాటు ఫైబర్, విటమిన్ బి ఉన్న ఆహారాన్ని తీసుకోవడం ఆరోగ్యానికి మంచిది.
మద్యపానం, ధూమపానం వంటి వాటికి దూరంగా ఉండాలి. WHO ప్రకారం వయస్సు, ఊబకాయం, మద్యపానం యొక్క హానికరమైన వినియోగం, రుతు కాలం ప్రారంభమైన వయస్సు మరియు మొదటి గర్భధారణ వయస్సు వంటి కొన్ని కారణాలు కూడా రొమ్ము క్యాన్సర్ ప్రమాదాన్ని పెంచుతాయి. బిడ్డకి తల్లి పాలివ్వడం, బరువు నియంత్రించడం, రోజువారీ శారీరక శ్రమ చెయ్యడం వల్ల రొమ్ము క్యాన్సర్ బారిన పడే ప్రమాదాన్ని అడ్డుకోవచ్చు.
రొమ్ము క్యాన్సర్ ని గురించే సంకేతాలు
* రొమ్ము గడ్డగా మారిపోవడం
* రొమ్ము పరిమాణం లేదా ఆకారంలో మార్పు రావడం
* ఎర్రగా మారడం, గుంటలు ఏర్పడటం
* చనుమొల రూపం, రంగు మారడం
ఇటువంటి లక్షణాలు మీకు కనిపిస్తే వెంటనే డాక్టర్ ని సంప్రదించడం ఉత్తమం.
గమనిక: పలు అధ్యయనాలు, పరిశోధనలు, హెల్త్ జర్నల్స్ నుంచి సేకరించిన సమాచారాన్ని మీ అవగాహన కోసం ఇక్కడ యథావిధిగా అందించాం. ఈ సమాచారం వైద్యానికి లేదా చికిత్సకు ప్రత్యామ్నాయం కాదు. ఆరోగ్యానికి సంబంధించి.. ఎలాంటి సందేహాలున్నా మీరు తప్పకుండా డాక్టర్‌ను సంప్రదించాలి. ఈ ఆర్టికల్‌లో పేర్కొన్న అంశాలకు ‘ఏబీపీ దేశం’, ‘ఏబీపీ నెట్‌వర్క్’ ఎటువంటి బాధ్యత వహించవని గమనించగలరు.
Also Read: కొరియా చిట్కా - ఐస్ నీళ్లలో ముఖం పెడితే అన్ని ప్రయోజనాలా? మీరు అస్సలు నమ్మలేరు!
Also Read: చెమట పడితే నిజంగానే బరువు తగ్గుతారా? ఇది వాస్తవమా లేక అపోహ