బీరు తాగితే కిక్కు ఎక్కుతుందనే సంగతి తెలిసిందే. ఎందుకంటే అందులో ఉండే ఆల్కహాల్ ఆ అనుభూతి ఇస్తుంది. అయితే, డెన్మార్క్ పరిశోధకులు తయారుచేసిన ఈ బీరు తాగితే.. కిక్కు ఎక్కుతుంది. కానీ, శరీరంలోకి ఆల్కహాల్ మాత్రం చేరదు. అదేంటీ అని అనుకుంటున్నారా? అదే ఆ బీరు ప్రత్యేకత.
ప్రస్తుతం మార్కెట్లో ఆల్కహాల్ లేని బీర్లు ఉంటున్నాయి. కానీ, అవి పేరుకే బీర్లు. టేస్టు కూడా అంతగా బాగోదని మందుబాబులు అంటుంటారు. అందుకే, మధుప్రియులు ఆ బీర్లను ముట్టుకోరు. కేవలం మద్యం తాగుతున్నామనే ఫీల్ కలిగేందుకు కొందరు ఆ బీర్లు తాగి బొజ్జుంటారు. డెన్మార్క్ పరిశోధకులు తయారు చేసిన ‘ఆల్కహాల్-ఫ్రీ’ బీరు మాత్రం మద్యం ప్రియులను ఏ మాత్రం నిరుత్సాహానికి గురిచేయదట. అందులో ఆల్కహాల్ లేకున్నా.. మాంచి కిక్కు, రుచి రెండూ ఇస్తుందట.
కోపెన్‌హాగన్ విశ్వవిద్యాలయంలో ప్రొఫెసర్ సోటిరియోస్ కంప్రానిస్ నేతృత్వంలో నిర్వహించిన పరిశోధనల్లో భాగంగా ఈ బీరు తయారు చేశారు. హాప్స్ అనే పువ్వులో ఉండే మోనోటెర్పెనాయిడ్స్ అనే అణువుల సమూహాన్ని ఉత్పత్తి చేయడానికి సాక్రోరోమైసెస్ సెరెవిసియా అనే ఈస్ట్ జాతులను ఉపయోగించి ఈ బీర్ తయారు చేశారు.
ఈ బీరులో ఆల్కహాల్ లేకపోయినా.. హాప్స్ నుంచి వచ్చే సువాసన ఆల్కహాల్‌ను తలపిస్తుందని పరిశోధకులు తెలిపారు. ‘‘హాప్స్‌ను వేడి చేసేప్పుడు సువాసన కోల్పోతుంది. దానివల్ల ఆల్కహాల్‌ను కలిపి ఆ రుచి వచ్చేలా చేస్తారు. అందుకే, ఆల్కహాల్ కలపకుండా.. ప్రత్యామ్నయ మార్గాలను అన్వేషించాం.
Also Read: ఖి‘లేడీ’ కిల్లర్ - అమ్మాయిలను చంపేసి, శవాలతో కేకులు చేసుకుని తినేసింది, కారణం పెద్దదే!
సంవత్సరాల పాటు సాగిన పరిశోధన తర్వాత, మోనోటెర్పెనాయిడ్స్ అని పిలువబడే చిన్న అణువుల సమూహాన్ని ఉత్పత్తి చేసే మార్గాన్ని తెలుసుకున్నాం. ఇవి హాపీ-ఫ్లేవర్‌ను అందిస్తాయి. బీర్‌ను తయారుచేసే ప్రక్రియ చివరిలో వీటిని కలపడం ద్వారా.. తిరిగి బీరులో ఉండే రుచిని తీసుకురాగలిగాం. ఇప్పటివరకు ఎవరూ ఇలా చేయలేకపోయారు. కాబట్టి.. ఈ బీర్ భవిష్యత్తులో గేమ్ ఛేంజర్ కాబోతుంది’’ అని ప్రొఫెసర్ తెలిపారు.
Also Read: చీమలే దెయ్యాలా? ఆ అడవిలో ఇతర చెట్లను చంపేస్తున్న చెట్లు.. అసలు నిజం వేరే ఉంది!
హాప్స్ అంటే ఇవే..