ల్యాప్‌టాప్‌లో పనిచేస్తున్నప్పుడు.. కీబోర్డ్‌పై దుమ్ము, ధూళి, వేలిముద్రల నూనె పేరుకుపోవడం కామన్. కానీ కొన్నిసార్లు కీక్యాప్‌ల కింద దుమ్ము పేరుకుపోతుంది. దీనికారణంగా కీలు సరిగ్గా పనిచేయవు. దీని ప్రభావం టైపింగ్ నుంచి గేమింగ్ వరకు అన్నింటిలోనూ కనిపిస్తుంది. ఆ సమయంలో కచ్చితంగా కీబోర్డ్ శుభ్రం చేయాల్సి ఉంటుంది. అయితే ల్యాప్‌టాప్ కీబోర్డ్‌ను శుభ్రపరచడానికి ప్రత్యేక యంత్రం లేదా ఖరీదైన క్లీనింగ్ కిట్ అవసరం లేదు. 

Continues below advertisement

ల్యాప్​టాప్​ కీబోర్డ్ శుభ్రం చేయడానికి కొన్ని సాధారణ వస్తువులు సరిపోతాయి. వాటితో సులభంగా కీబోర్డ్ క్లీన్ చేయవచ్చు. మరి ల్యాప్‌టాప్ కీబోర్డ్‌ను శుభ్రపరచడానికి సరైన మార్గం ఏమిటో తెలుసుకుందాం. 

ఫస్ట్ స్టెప్

ముందుగా ల్యాప్‌టాప్‌ను పూర్తిగా షట్ డౌన్ చేసి.. పవర్ సప్లై నుంచి డిస్‌కనెక్ట్ చేయాలి. ఆ తర్వాత కీబోర్డ్ కీల కింద, లోపల ఉన్న దుమ్ము, ధూళి బయటకు పోయేలా ల్యాప్‌టాప్‌ను తలక్రిందులుగా తిప్పండి.

Continues below advertisement

Also Read : కిచెన్ క్లీనింగ్ టిప్స్.. పండుగల సీజన్లో వంటగదిని మెరిసేలా చేసే 7 చిట్కాలివే

సెకండ్ స్టెప్

సింథటిక్ పెయింట్ బ్రష్ వంటి మృదువైన బ్రష్‌ను ఉపయోగించి.. కీల మీద, వాటి మధ్య ఉన్న దుమ్మును సున్నితంగా తుడవండి. బ్రష్‌ను మరీ బలంగా ఉపయోగించకూడదు. ఎందుకంటే అలా చేస్తే దుమ్ము కీక్యాప్‌ల కిందకు వెళ్లిపోతుంది.

థర్డ్ స్టెప్

త్వరిత క్లీనింగ్ కోసం.. కంప్రెస్డ్ ఎయిర్ ఇవ్వాలి. నాజిల్‌ను కీబోర్డ్‌కు సుమారు ఒక అంగుళం దూరంలో పట్టుకుని.. ఎడమ నుంచి కుడికి Z ఆకారంలో గాలిని నెమ్మదిగా స్ప్రే చేయాలి. మ్యాక్‌బుక్‌ల కోసం ఆపిల్ 75-డిగ్రీల కోణాన్ని సిఫార్సు చేస్తుంది. ఆ తర్వాత మీరు ల్యాప్‌టాప్‌ను 90 డిగ్రీలు తిప్పి.. ఇదే ప్రక్రియను రిపీట్ చేయాలి. 

ఫోర్త్ స్టెప్

బ్రష్ లేదా కంప్రెస్డ్ ఎయిర్ ఉపయోగించిన తర్వాత.. మైక్రోఫైబర్ వస్త్రంతో కీబోర్డును మెల్లగా తుడవండి. ఇది మిగిలి ఉన్న మురికి, నూనెలను తొలగించడానికి సహాయపడుతుంది. పేపర్ టవల్ ఉపయోగించకూడదు. ఎందుకంటే చిన్న ముక్కలు కీల కింద ఇరుక్కుపోవచ్చు.

Also Read : ఇంటిని డీప్ క్లీనింగ్ చేయడానికి చెక్ లిస్ట్ ఇదే.. ఇలా చేస్తే మూలమూలలా మెరిసిపోతుంది

ఫైనల్ స్టెప్

కీలపై అధికంగా నూనె లేదా మరకలు ఉంటే.. 70 శాతం కంటే ఎక్కువ గాఢత ఉన్న ఐసోప్రొపైల్(70% IPA) ఆల్కహాల్‌ను ఉపయోగించవచ్చు. దానిని నేరుగా కీబోర్డ్‌పై పోయకుండా.. ఒక మైక్రోఫైబర్ క్లాత్​కి అద్ది.. కీలను సున్నితంగా శుభ్రం చేయండి. ఆల్కహాల్ కీల కిందకు ఇంకిపోకుండా ఉండేందుకు.. తక్కువ ఒత్తిడితో క్లీన్ చేయాలి.

గుర్తించుకోవాల్సిన విషయాలు

మీ ల్యాప్‌టాప్ మోడల్‌కు తీసివేయగల కీక్యాప్‌లు ఉంటే.. అప్పుడు మాత్రమే వాటిని తీసి శుభ్రం చేయండి. వాటిని తీసేటప్పుడు కీక్యాప్‌లకు నష్టం జరగకుండా జాగ్రత్త తీసుకోవాలి. తిరిగి అమర్చే ముందు వాటిని బాగా ఆరనివ్వండి. కీబోర్డ్‌పై నీరు లేదా ఏదైనా ద్రవం పడితే.. ల్యాప్‌టాప్‌ను ఆఫ్ చేసి.. తలక్రిందులుగా ఉంచి.. కనీసం 24 గంటల పాటు దాని కింద ఒక టవల్ ఉంచండి. సోడా లేదా ఇతర థిక్ డ్రింక్స్ పడితే.. ల్యాప్‌టాప్‌ను ప్రొఫెషనల్ రిపేర్ షాపులో క్లీన్ చేయించడం మంచిది. 

Also Read : ఇంట్లో అద్దాన్ని శుభ్రం చేసే టిప్స్ ఇవే? మచ్చలేని, మెరుపు కోసం వీటిని ఫాలో అయిపోండి