These Foods will Help You to Reduce Weight : రోజూ తీసుకునే ఆహారంలో ప్రోటీన్ కచ్చితంగా ఉండాలి. ఎంత మోతాదులో తీసుకోవాలి అనే విషయం పక్కన పెడితే.. కొందరు కనీసం ప్రోటీన్ లేకుండానే తమ భోజనాన్ని ముంగిచేస్తున్నారని తాజా అధ్యయనంలో తేలింది. పైగా ప్రోటీన్ పౌడర్లలో కూడా కల్తీ పెరిగింది. వీటిని తీసుకోవడం వల్ల బరువు తగ్గకపోగా.. ఇంకా పెరిగే అవకాశాలు ఉన్నాయంటున్నారు. కాబట్టి ప్రతి ఒక్కరూ తమ డైట్లో సహజంగా దొరికే ప్రోటీన్ ఫుడ్స్ని తీసుకోవాలని సూచిస్తున్నారు. అసలు బరువు తగ్గడంలో ప్రోటీన్ ఫుడ్స్ ఎలా హెల్ప్ చేస్తాయంటే.. ఇవి శరీరంలో జీవక్రియను పెంచుతాయి. మెటబాలీజం పెరిగి.. కేలరీలు బర్న్ చేస్తాయి. కాబట్టి బరువు తగ్గుతారు. అయితే ప్రోటీన్ కోసం ఎలాంటి ఫుడ్స్ తీసుకోవాలో ఇప్పుడు చూద్దాం.
క్వినోవా
గ్లూటెన్ లేని ఫుడ్స్ తీసుకోవాలంటే ప్రోటీన్కు క్వినోవా మంచి సోర్స్. దీనిలో అమైనో ఆమ్లాలు, ఫైబర్, లో గ్లైసెమిక్ ఉంటాయి. ఇవన్నీ బరువు తగ్గడానికి హెల్ప్ చేస్తాయి. సలాడ్లు, సూప్లు, సైడ్ డిష్గా ప్రోటీన్ తీసుకోవాలనుకుంటే వీటిని తీసుకోవచ్చు. పైగా ఇవి ఎక్కువ కాలం కడుపు నిండుగా ఉండేలా చేసి ఆకలిని తగ్గిస్తాయి. తద్వార బరువు తగ్గుతారు.
పెరుగు
పెరుగు.. ముఖ్యంగా గ్రీక్ యోగర్ట్లో ప్రోటీన్, ప్రోబయోటిక్స్ ఎక్కువగా ఉంటాయి. ఇవి బరువు తగ్గాలనుకునేవారికి ముఖ్యమైన ఎంపిక అవుతాయి. సాధారణ పెరుగు కంటే గ్రీక్ యోగర్ట్లో చక్కెరలు తక్కువగా ఉంటాయి. పైగా ప్రోటీన్ కూడా ఎక్కువ ఉంటుంది. ఇది ఆకలిని కంట్రోల్ చేస్తుంది. కాబట్టి దీనిని మీరు స్నాక్స్గా తీసుకోవచ్చు. స్మూతీలు, సలాడ్స్లో కూడా దీనిని కలుపుకోవచ్చు.
పప్పులు
వెజిటేరియన్స్కి ప్రోటీన్ అందడం కాస్త కష్టమే అనుకుంటారు. కానీ పప్పు ప్రోటీన్కు మంచి సోర్స్. వీటిలో మాంసకృతులు, ఫైబర్, విటమిన్లు, ఖనిజాలతో నిండి ఉంటాయి. వీటిలో కొవ్వు కూడా తక్కువగా ఉంటాయి. కేలరీలు కూడా తక్కువే. ఇవి బరువు తగ్గడానికి మంచి ఎంపిక. ఎక్కువ కేలరీలు లేకుండా ప్రోటీన్లతో నిండి ఉంటాయి. ఫైబర్ కూడా బరువు తగ్గడంలో హెల్ప్ చేస్తుంది.
గుడ్లు
ప్రోటీన్ అంటే మొదట గుర్తొచ్చే ఫుడ్స్లలో గుడ్లు ఒకటి. ఇవి పూర్తిగా మాంసకృతులు, విటమిన్లు, మినరల్స్తో నిండి ఉంటాయి. అందుకే వీటిని చాలామంది తమ బ్రేక్ఫాస్ట్గా తీసుకుంటూ ఉంటారు. ఇవి జీవక్రియను పెంచి.. రోజంతా ఆకలిని నియంత్రించడంలో హెల్ప్ చేస్తాయి. దీనివల్ల కేలరీలు తీసుకోవడం తగ్గుతుంది. కాబట్టి వీటిని వెజిటేబుల్ సలాడ్స్తో లేదా ఆమ్లెట్లు లేదా బాయిల్ చేసుకుని తీసుకోవచ్చు. కొందరు వెజిటేరియన్స్ కూడా ప్రోటీన్ కోసం ఎగ్స్ తీసుకుంటారు.
సాల్మన్ ఫిష్
సాల్మన్ ఫిష్ లేకుండా ప్రోటీన్ సోర్స్ కలిగిన ఫుడ్స్ని ఎండ్ చేయలేము. ఎందుకంటే వీటిలో ఒమేగా 3 ఫ్యాటీ యాసిడ్స్తో పాటు.. అధిక నాణ్యత కలిగిన ప్రోటీన్లు సమృద్ధిగా ఉంటాయి. ఇది గుండె ఆరోగ్యాన్ని మెరుగుపరచడమే కాకుండా బరువు తగ్గడంలో కూడా హెల్ప్ చేస్తుంది. దీనిలో ప్రోటీన్ మెటబాలీజంను పెంచి.. కొలెస్ట్రాల్ను కూడా కంట్రోల్ చేస్తుంది. కాబట్టి బరువు తగ్గాలనుకుంటే కచ్చితంగా వీటిని మీ డైట్లో చేర్చుకోవచ్చు.
కేవలం ఈ ఫుడ్సే కాకుండా.. కాటేజ్ చీజ్, టోఫు, సోయా బీన్స్, బాదం, బ్రోకలీ మీ డైట్లో చేర్చుకోవచ్చు. ముఖ్యంగా వెజిటేరియన్స్కు ఇవి చాలా మంచి ఎంపిక అవుతాయి. నాన్ వెజిటేరియన్స్ చికెన్, రెడ్ మీట్ కూడా తమ డైట్లో తీసుకోవచ్చు. ఇవి బరువు తగ్గించడంలో కూడా బాగా హెల్ప్ చేస్తాయి. ముఖ్యంగా శరీరంలో మెటబాలీజంను పెంచి.. కేలరీలు కరిగించి హెల్తీగా ఉండడంలో ముఖ్యపాత్ర పోషిస్తాయి.
Also Read : బరువును తగ్గించే టేస్టీ, హెల్తీ బ్రేక్ఫాస్ట్.. స్ప్రౌట్స్ పోహా రెసిపీని ఇలా సింపుల్గా చేసేయండి
గమనిక: పలు అధ్యయనాలు, పరిశోధనలు, హెల్త్ జర్నల్స్ నుంచి సేకరించిన సమాచారాన్ని మీ అవగాహన కోసం ఇక్కడ యథావిధిగా అందించాం. ఈ సమాచారం వైద్యానికి లేదా చికిత్సకు ప్రత్యామ్నాయం కాదు. ఆరోగ్యానికి సంబంధించి.. ఎలాంటి సందేహాలున్నా మీరు తప్పకుండా డాక్టర్‌ను సంప్రదించాలి. ఈ ఆర్టికల్‌లో పేర్కొన్న అంశాలకు ‘ఏబీపీ దేశం’, ‘ఏబీపీ నెట్‌వర్క్’ ఎటువంటి బాధ్యత వహించవని గమనించగలరు.